ارجوا المساعدة الموتر خنبق
 

السلام عليكم ورحمة الله وبركاتة
عندي يالربع حوض 2006 ميت عزمة ما يتعدى 140 في الخط صاجته
ويشرب بنزين دبل صرفيته العادية
والمكينة ما تقطع اذا وصل الضغط الاحمر
يقطع تقطيع سريع ثم يرجع الضغط غصب ويطلع صوت تفقيع خفيف غريب في المكينه مع التقطيع
واذا صيجتله باي نمرة اذا تعدا الضغط اربعه يبدا الموتر يكتم تقول كأن واحد ماسكه من الصندوق
يعني لو امش من هنا لصلبوخ بالثاني ما وصل الضغط خمسة يكتم
ياليت تعلموني وش حله الموتر مضيق صدري

والموتر ما صار كل هذا الا عقب ما مرتن من المرات ابشغله عيا يشتغل دقة السلف تغيرت علي كأن السلف يفوت وعلقت على السلف الين اشتغل قعد يتفتف ثم صفا هالكلام له سنة تقريبا وما كررها مرة ثانية الا يومك هذا من عقبها خمبق صار يقطع تقطيع سريع ثم ينزل الضغط ودج الموتر عزمة والبنزين دبل الصرفية
يالربع والله ما تصدقون ان سوزو ديزل يروح علي قومة وخط ميت ميت مرة

ياجماعة هل ان من الممكن ان احد من الحساسات خربان لكن اياهم عاد
بيض الله وجيهكم