منتدى استراحات زايد - شعـر آهـ يـا جـدة ليالـي عيـدك الأكبـر حزينـة,,,

يسعد ربي أيامكم ياحلوين :)

قصيدهـ قريتها وعجبتني وان شاء الله تعجبكم
تحكي قصه جدهـ واللي صار فيها

\\
\\

آه يـا جـدة ليالـي عيـدك الأكبـر حزينـة
يالعروس اللي كسوها الموت .. في يوم الزفاف

كم تعبنا نرجمك بالذنـب .. وأنتـي ياسمينـه
دنّست طهرك يدين الذنب .. من قبل القطـاف

من نهب خيرك مع الأيـام فاضـت راحتينـه
وين يخفيها نهار الفقـد .. ونيـاح الضعـاف

توّنا نصحـى ونرمـي بالكلبشـة فـي يدينـه
وين كنّا يوم صوتك " آآآه " وسنينـك عجـاف

كل مـا جينـا نبلّلهـا نزيـد الوضـع طينـه
كـل مـا جينـا نغلّفهـا يعرّيهـا الـغـلاف

آه ودموع البراءة .. وسـط وجناتـك سجينـه
والفقر ما عاد يستر عورتـه قصـر اللحـاف

آه يا وجه الأمانة .. كيف ينـدى لـك جبينـه
آه ما كل النوايـا البيـض فـ.. عيونـك نظـاف

آه يا جدة ولا يصبـر مثـل صبـرك مدينـة
كم سقيتينا الفرح .. وأنتـي تعانيـن الجفـاف

لا تلومين البحر .. والعيب في جسـم السفينـة
لا تلومين القلوب اللـي مـن الله مـا تخـاف

يكفي الله خالقـك مـا بيـن مكـة والمدينـة
لو تشوبك مغريات الوقت .. وجروح العفـاف

عظّم الله أجرك .. وأجر الوطن رغم الغبينـه
ما يعوّضك النحيـب .. ولا يفيـد الاعتـراف

آه يـا جـدة ولا زالـت لياليـك الحزيـنـة
تخلع ثياب الحداد .. وترتجي ثـوب الزفـاف

\\
\\

للشاعر: وليد العبدالله