|
تكفــــــون ياالنشاما !! السلام عليكم ورحمة الله أخواني بارك الله فيكم جميعاً بصراحة قررت أترقى وأصير راعي بر وراعي مكاشيت أشوفكم مستانسين وخايف أنظلكم لأني بصراحة لي حوالي سنه أتسدح على الأرصفة وحط ابوك وشل ابوك بهالعزبة واللي يشوفني يقول هذا ما بيرده الا الرملة وتاليتها على الرصيف وتبدأ المشكلة من أول ما أحاول أشب الضو يمر من جنبك راعي كامري صافط الطبلوت وإذا شبيت الضو بعد جهد جهيد وحطيت الدلة على الضو يمرون من جنبي بعض الشباب يقولون أخس ياراعي البران واللي يقول بدوي كول وغيرها مالكم في طول السالفة !! اكثر شي يزعجني إذا رحت البيت أقول والله ياذب الشباب أنه أرحم من ذب زوجتي تصدقون ياشباب تقول وش نوعية الحطب اللي تشبون به ( برجستون ) أو ( ميشلان ) وهي ماتلام من ريحة ملابسي !! علشان كذا أقول الفزعة لأن شوي ويجيني إكتئاب وإنفصام شخصية هل ترضون يصير فيني كذا :mad: العلم وعفاكم أبي أقرب مكان من الرياض يكون فيه فياض مربعة ومكان يستاهل إني اصوره وأرجع البيت أقهر المرة !! ياليت لوكلفت عليكم الإحداثيات ولو تدعمونها بالصور أكون لكم من الشاكرين !! وأوعدكم أنظف المكان وانا رايح:D ولكم التحية والتقدير |
| الساعة الآن 06:52 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir