وصل جوالي من نوكيا كير ولكن مع مشكله جديده Memory Card Corrupted
 

اليوم استلمت جهازي بعد ما قعدت 10 ايام عشان مشكله الريبوتنج

المهم سلموني جهاز جديد قلت الحمدلله
رحت البيت وجربت اتصل وكل شي تمام
جيت اشغل لعبه يقولي العمليه فاشله الذاكره قليله جدا
سويت ريستارت وجيت اشغل لعبه ولا المتصفح ولا حتى الرسايل نفس المسج
يعني الجهاز مااقدر اسوي فيه اي شي الا اني اتصل

جيت اشيك الميموري لقيت انه ميموري الجهاز الداخليه المفروض تكون قريب 32 جيجا الا احصل مكتوب Memory card corrupted
والذاكره للبرامج 145 ميجا فقط

والله انصدمت بس قلت خلك راكز تراك مهندس المهم شريت مايكرو اس دي وجربتها واشتغلت
سويت سوفتوير عن طريف برنامج نوكيا مانفع
اخر شي سويت ريفلش لل eMMC & the Image
والحمدلله انحلت المشكله والجهاز للحين تمام طبعا سويت الريفلش عن طريق MAC OS X 10.5
لاني مااثق بالوندوز نهائيا ولانه نظام الجوال لينكس فايابيله نظام مبني على اليونكس مثل الماك
ولانه في عالم صارتلهم هالمشكله وحاوله يسوو ريفلش عن طريق الويندوز ومانفع ونصحوهم بان يسوونه عن طريق نظام لينس او يونكس
وفعلا نجحت معي بعد توفيق الله
وسلامتكم