*وش اللي جابني فبالك*
 

السلام عليكم ورحه الله وبركاته
اليوم بحط لكم قصه قريتها في منتدى من المنتديات
القصه حقيقيه بلسان خليفه بطل القصه
وعذراء بطله القصه
والقصه كاتبتها (( بحور الالم))

اتمنى القصه تنال اعجابكم " الجزء الأول"


هـــذي رساله مني أنــــا " خليفــه" لحبية قلبي ونصفي الثـــاني " عــذراء "

الســــــــلام عليكـــم ورحمـــــــة الله وبركــــاته ،،

بعــد ما ضاقت بي الدنيــــا ،،

وبعــد ما مليت الخصــام والبعــد عن حضنج الدافي ،،

هذا أنـــا أخط لج أجمل وأعــــذب الكـــــــــلام ،،

عشـــان ترجعيـــن لحضني وتنسيني تعب الليــــــــــالي ،،


حبيبة روحــــي ،،

" عــــذراء "

يا أرق إنســـــانه في هالكون كله ،،

يا ورده متفتحه تنبعث منها أجمل النسائم ،،

يا بسمة عشق ،،،

يا لهفة عاشــق ،،

يا براءة طفل ،،

يا قلبـــي الصادق ،،

يا نبضـــي ،،

يا شعـــوري وأحاسيس كلهـــــــــــا ،،،


أنا زليـــت وأخطيت بحقج ،،

والله أخطيت ومن دون قصد ومن دون وعي ،،

كنت أهواج ،، ولكن غرتني الدنيـــــــــــا

ولا زلت أهواج ،، ومحد يسواج في دنيتي


" عـــذراء "


يا ملاذ روحـــي ،،

ورعشتي وخفوقي ،،

أوعــــدج أني ما أكرر غلطتي وأظلمج معاي ،،

غيمه ســـوداء بحياتي وزالت منها ،،

وما راح تتكرر ،،

أبد

أبد

أبد


عـــــــــــذراء

وحشتيني بكل معنى الكلمــــــــه

والله وحشتيني


مستعـــد لتنفيـــــــذ طلباتج وشروطج

أدللي وأطلبي

وأتمني

بتلاقينه عدالج

ولا انج تتركيني...


ساعـــديني عشان أرجع شرات قبل ،،

ولا تتركيني أضيع


أحبـــج


" خليفه "


هذه رسالتي كتبتها لعذراء زوجتي ...
واللي أحبها ولا زلت أحبهـــا،،


عذراء اللي في يوم من الأيــام ظلمتها معاي ، وكنت أشك فيها مع انها ما كانت تسوي شي بدون شوري،،
لكن عيال الحرام كثار وشغلي اللي ما يرحم واللي يكرهوني بسبة شغلي وايد ،،

بعرفكم بنفسي ،،

اسمي " خليفه " شاب في مقتبل العمــر ،، أبلغ من العمـــر 25 عام ،،
الحمدلله ما عرفت طريق البنات وسوالفهن ،،
اللهم الا اللي كنت أصادفهم في شغلي وبحكمه
أعمل في جهاز أمن الدوله
وين ما بقول
أردت بناء أسره وأكون مستقل بحياتي
ولكن اللي مثلي يداوم في مثل هالأماكن الحساسه المفروض ما يفكر أبد بالزواج،،
تزوجت عذراء بعد قصة حب ( عذراء تستوي بنت خال أبويه)
وقررت الزواج وتزوجت بها ،،
وبحكم شغلي لي عداوات كثيره ولي أعداء أكثرهم من مهربين مخدرات ولصوص
وإرهابيين

وحاولوا عيال الحرام زعزعت العلاقه بيني وبين زوجتي عشان أتفرغ لمشاكلي وأنسى شغلي
وأتركهم يدبرون المكائد والدسائس


ففي يوم من الأيــــــــــام ،،

رجع البيت تعبان لدرجه فظيعه كنت مداوم 36 ساعه وما رقدت كانت عندنا طواري ،،

وصلت صوب البيت ولا أشوف سيارة مرسيدس حمرا عند باب البيت...

ومن شافني اللي يسوق السياره روح ابسرعه ،،

من التعب أنا طنشته ودخلت البيت ،،

ولقيت عذراء فديت روحها تترياني

عذراء : هلا حبيبي ،، طولت وايد...يلست أحاتيك..
خليفه: آااااخ ،، تعبان ...وأبغي أرقد،،
عذراء: ما تبى تاكل شي ؟؟
خليفه: لا فديت روحج أبغي أرقــد

ودخلت غرفة النوم ،،
واللي تريح الخاطر ،،
مدخنه ومعطره ومظلمتنها فديتها عذراء ومشغله المكيف ،، والحجره كانت حلوووه وبارده ،،
فصخت ثيابي وعلى طول انسدحت عالسرير ورقدت ،،


وما انتبهت الا اليوم الثاني ،،
الساعه 5 العصر،،

نشيت من النوم على طول دخلت الحمـــام ،،
واتسبحت ،،
وطلعت أدور عذراء
خليفه : عذراء ..عذراء؟؟

وسمعتها تتوايب لي من بعيد ،، صوتها ياي من المطبخ،،

عذراء : هااه ،، هاااه ،، أنا اهنه

ورحتلها المطبخ ،،

خليفه: شو تسوين؟؟
عذراء: ازهب لك شي تاكله ...
خليفه: فديت روحج
بسير أللبس وهاتيلي الأكل في الصاله
عذراء: من عيوني

ويابتلي عذراء الأكل في الصاله وكلت ...ويلست أسولف وياها

ورن تلفون البيت،،

خليفه: لا تشلينه عطيني اياه
عذراء : ان شاء الله

وشليت التلفون ومحد رد عليه...

وعقبها بعشر دقايق كنت في الحجره أللبس عشان بروح أسلم عالوالده ،،،
رد ورن التلفون ورحت أشله ونفس الشي محد رد عليه


وزقرت على عذراء ،،

خليفه: عذراء؟؟
عذراء: هاااه حبيبي
خليفه: أنا بسير أسلم على اميه وانتي اتزهبي ،، بنطلع نتحوط
عذراء( وهي مستانسه) : ان شاء الله حبيبي

ورحت عند أميه بيتها مجابل بيتنا ،،

ويلست وياها شويه ،،
وعقب طلعت وأنا طالع شفت نفس المرسيدس الحمرا ،، ومن شافني روح لا وشاوح بعد

أنا شكيت في السالفه ،،
قلت فخاطري هذا شو يبغي ؟؟


بعدها بيومين ،،
وأنا راد من الدوام الفجر ،،
اتصلت عالبيت لقيته مشغول ...ورجع اتصل مره ثانيه ونفس الشي مشغول
قلت غريبه عذراء ترمس الحين؟؟
ورحت صوب البيت وأنا مفول..

وصلت صوب البيت وشفت نفس السياره الحمرا وواقفه عند باب بيتنا ،،
ديمت له من بعيد ،،
ونزل على طول من السياره ،،
واحد بطول وعرض شكله يخوف

ومريت صوبه بالسياره ،،
وفتحت الجامه ،،
خليفه: خير اخويه ،، أشوفك واقف عند باب البيت

رد عليه وقال: وأنت شو يخصك ،، بيتك هو عشان تسأل

استغربت أنا من طريقة كلامه ،،

خليفه: هيه بيتي هذا...

رد عليه وياليته ما قالي شي ويا ليتني ما شفته ،،

: لا يا اخويه هذا بيت وحده يتيمه وأنا وصي عليها ومتزوجنها زواج عرفي

أنا انصدمت كلام ما يدش العقل ،،

فتحت باب السياره وقبضته من ارقبته

وقلتله: ممكن تعيد اللي قلته لو سمحت ؟؟

ورد عليه وقالي : وخر ايدك عني...
هيه اتشوفني كذاب جدامك
اسمها عذراء البنيه وهي تحبني بعد

انا ساعتها ارتفع عندي العداد ووصل حد ...

ضربت هالريال بوكس في عينه وشته في بطنه بركبتي..

ودخلت على طول البيت حتى نسيت السياره تشتغل خاري

وفتحت الحجره ولقيت عذراء راقده على السرير...

واسحبها من كشتها وايلس اضربها ضرب وهي تصيح والدموع اربع اربع..

فديت روحج يا عذاري ما أدري ان السالفه مكيده ويبون يفرقون بيني وبينج...

وجذه ضربتها لين ما طلع الدم حتى يعل ايدي القص يوم أنمدت عليج


بتخبركم بعدين بحور الألم شو استوا في بقية حياتي

من بعد ما أطرش لعذراء هالرساله وتفهم حبي لها وتتقبلني من أول ويديد

يلا انا اتريا ردودكم

عشان اكملها

:)

لي الشرف ان اكون اول من يرد ع قصتج^^

تسلمين ع القصهـ الروعهـ:)

وبنتضار البارت2

ربي يعطيج بلاااااااين العواافي

ولاتحرمينا من كل يديد ومميز من صووبج

ولاتحرمينا ذووقج الغاوي

ولي الشرف اني اكووووووون متواجد بين صفحااااااااااتج^^

ظب ظب

مشكووره الغاليه على القصه الطر
او انتريا البارت الثاني

يســــــــــــــــــــلمــــــــــووووووووو