منتدى استراحات زايد - بقية سالفة طريفة الجزء الثاني

أخواني حياكم ربي وأليكم الجزء الثاني من سالفة طريفة
وقفنا في الجزء الاول عندقول صاحبنا عطني نصيبي وألا والله لاشيلك واجدعك عند بابكم المقعد فرح في ذلك
وجلس يبكي كأنه مايبغىفحمق عليه صاحبناوشاله فوق ظهره وانطلق به ورماه عند بابه قال له خلك وراك ماعطيتن نصيبي قال المقعد والله ماحصلت شي تعال بكرى الفجر ونروح لأن فيه مساجد ممرينا عليهن واعطيك قال أجل مايخالف خلك جاهز وفي الفجر مر عليه وشاله فوق ظهره وانطلق به للمدينة مره ثانية وذهب إلى مساجد جديدة

وحصل رزق ولكن صاحبنا هالمره صار ذهين وجلس يراقبه وهو يقول اذا اعطاه واحد عطاه عطاه ويرفع صوته فسمعه شخص خارج من المسجد وسأله وش عندك اشوفك تناظر المسجد وتقول عطاه قال تشوف ألي يشحذ جبته من المدينة الفلانية أمس على ظهري ولي نصف ألي يحصل ورفض يعطين وحمق عليه وجدعه عند بابه قال بس قال نعم وهالحين اقول عطاه حتى اتأكد من ذلك لاينكر علي قال له الرجل وانت تبي حقك منه قال نعم قال لارفض يعطيك اخذه والجهه ألي تجي معه به كلابه ورمل صحيح قال نعم فهذه الجهة مشهوره بكثرة الكلاب وحرارة رمله وهم في عز الحرقال له لاوصلت الكلاب اجدعه ويبغى يناديك ويعطيك كل ألي معه قال صاحبنا زين جاء لم رفيقه بعد خروج من في المسجد قال وين حقي قال والله ماحصلت شي قال له والله لا شيلك وجدعك عند بابكم وهذي اخر مره فشاله وانطلق به جهة الكلاب واكثر جهة بغزارة الرمل وعندما شاهد كثرة الكلاب قال له تشوف هالكلاب قال نعم قال ذولي يبغن ياكلنك
بس قبل مايكلنك ابغى اشويك لهن في هالرمل وعلى طول يجدعه وقبل مايصلن رجليه الارض وهن منشويات من حر
الرمل صاحبنا يوم خف عن ظهره الحمل انطلق تقل غزال
والمقعد يصيح وهو يناديه تعال اعطيك نصف ألي معي تعال اعطيك كل ألي معي تعال اعطيك كل ألي جمعته في المدينة فلماسمع انه يبغى يعطيه كل ألي جمع رجع لمه قال المقعد اشلن واعطيك كل الي معي قال لاعطني قبل وبدا يطلع كل ألي جمع وهو يصيح من شدة حرارة الرمل ومن ضياع فلوسه فلما اخذ صاحبنا كل ألي معه شاله فلما وصل باب
منزله قال له المقعد ماحصلت شي تبي بكرىنروح
قال صاحبنا لا نم ولاخفت رجليك تلقى غيري:f :s

تحياتي