أول مشاركة لي الدجاج المكتوم على الملح اتمنى تنال اعجابكم
 

بسم الله الرحمن الرحيم
السلام عليكم ورحمة الله وبركاته
مساكم الله بالخير يالوجيه الغانمة وجعلكم في احسن حال
الموضوع ذا هو أول موضوع لي بالمنتدى مع اني من أشد المتابعين له من زمان ولي فترة احاول اسجل عضوية ما قدرت كل ما دخلت اسم قال موجود :p

الطبخة اللي مسويها هي نفس اللي عملها احد الأخوان أو الاخوات في الخيمة وراقت لي وسويتها وطلعت جناااان قلت خل اوريكم الشغل وتسلمون ويسلم راعي الفكرة ...عز الله انها تنحسب لحسابه :good2:
الطبخة هي المكتوم بالملح وتقريبا طعمها مو بعيد من المدفون لكن الطريقة تختلف..
اولا المقادير
حبة ونص دجاج مقطع
بهارات مشكله
بصل
ثوم
طماطم
فلفل بارد
صفار الزعفران
قرفه
ليمون أسود
هيل
ملح خشن

نبدأ باسم الله

نظفت الدجاج وحطيت البهارات والبصل والطماطم والثوم وصفار الزعفران وملحته لان الملح اللي تحت ماله اي تأثير بالطعم
http://up.arab-x.com/Dec09/IQc03160.jpg

هذا الكاتم بعد ما رصيت ملح خشن الى ثلثه تقريبا او اكثر وخليت الملح يسخن لمدة عشر دقايق تقريبا..
http://up.arab-x.com/Dec09/c2I03160.jpg

حطيت القصدير وفتحت فيه فتحات صغار كثيره
http://up.arab-x.com/Dec09/raJ03160.jpg

وهذا الدجاج خلصنا منه وسكرنا الكاتم
http://up.arab-x.com/Dec09/tQK03226.jpg

نبدا بالرز
رز على عدد الاشخاص والبصل والطماطم والفلفل البارد والثوم والبهارات والليمون الاسود والقرفه والملح
http://up.arab-x.com/Dec09/Gqm03226.jpg

الحين نسكر عليهم ونكون حاسبين للدجاج خمسين دقيقة الى ساعة والرز الى ان يستوي في نص ساعة تقريبا
http://up.arab-x.com/Dec09/VrD03284.jpg

بعدها نفتح الكاتم وهذي النتيجه
بسم الله ما شاء الله
http://up.arab-x.com/Dec09/jDk03247.jpg

والرز جاهز
http://up.arab-x.com/Dec09/Wum03248.jpg

وهذا صحن التقديم النهائي والله يحييكم على قل الكلافه
http://up.arab-x.com/Dec09/Eyv03284.jpg

وهذي بعد التقريب واهداء لكن مبدعين المنتدى وخصوصاً خيمة المطبخ المكشاتي
http://up.arab-x.com/Dec09/Eyv03284.jpg

بعد الشغل النظيف :p
http://up.arab-x.com/Dec09/5Mm03307.jpg

نصيحة قبل ما تسمي في الأكل حط بالكاتم مويه وخليه يفور على النار عشان يسهل لك عملية التنظيف
http://up.arab-x.com/Dec09/lAo03307.jpg


التصوير كان بالجوال لذا العذر على قلة الجودة
كانت والله من احلى الوجبات اللي اكلتها من طبخي واشكر صاحب الفكره واشكر اخوياي اللي ساعدوني أبو حميد وأبو عابد
وإلى اللقاء في وجبة شهية ثانية ان شاء الله

محبكم
سعود بن سعود