|
قصيدة الأبطال البواسل هذه قصيدة خالد نايف .................................................. .......... يالله ياخالق من الناس جنســين** ياربنا اللي كلنا مرّتجيــــــنه يامزل القران بالشرع والودين** ياللي عباده بالدجــــا عابدينه اغفر لعبدك يوم وضع الموازين**يارب الأقصـــــى والحرم والمدينه وابدأ بذكرك ياملاذ المسـلمين**يامنجي ذالنون فوق الســــــفينه بنات فكري غابت وجـات ذالحين**ترسم في افكاري بيوتٍ ثمــــــينه تاخذ من الزينات مانقبل الشين**والقلب تظهر مــــاوزى في كنينه خاطبتها واقول لآوين لآويـــــن**همـــــك لمن بعد الوال تشتكينه قالت حسافه كيف تنسى الفطينين**اهل الشعـر واهل العقول الفطينه بنصى الشجيع ابن الرجال الكريمين**اللي ربــوعه بالكرم خابرينه قلت ابشـــري لكن تكفين تكفين** القلب بعـــــد اليوم لآتتركينه وياراكبٍ من عنــــدنااف ففتين**ماطـــــورها حسب الطلب صانعينه وفلابها ودفوفــــها والجناحين**اليـا اقلعت في الجو تثبت رزينه رادارها صمم لكشـــف البعيدين**كشـــف الدقيقه قبل كشف المتينه اما المحرك يدفـع ابقوة الفين** وطبعــة اترايستار فوق المكينه وطيارها متخرجٍ قــــدله اسنين**اليا طـــار ماقامت تراقل يدينه يلعب بها في الجو مثل الشياهين**امثبــــــتٍ نفسه بوسط الكبينه واصله يعود لرجــــال السلاطين** اهـــل الكرم والعز هم كاسبينه ثم جهزوها يالرجال الخــبيرين**ثم اجعلوا فيها الوسايــل لمينه دقـــــايق الرحله ثلاث وثلاثين**الوقـــــــــت سجلناه ومحددينه وطريقها مرسوم مابين خــــطين**الدرب فــــــي رادراها راسمينه ثم اسمحـوا بقلاعها يوم الثنين**طيارها ربي عليها يعــــــــينه بعد صلاة الصبح والنــاس هادين** اصواتها تكسر اجـــدار السكينه وقبـل شروق الشمس تنزل بدارين**في المهبط اللي كلنا عارفينـــه ينـزل وينصى من يسود الميادين**ابو علي ياجعــــــل تكثر سنينه قله ســـلامي عد من يسكن الصين**وعـــــداد سكان القرى والمدينه سلام عطرتـــــه بورد البساتين**بعد اختلط ريحـــــانه وياسمينه وقـله ترى خالد غدى بين نارين**ويشـــــــوف حلمٍ ماتطوله يمينه وقـله انا محتار مابين ألأثنين**ومن بيـــــنهم روحي ترها رهينه ألأول حبيب الروح سيد المزايين** زين الطبــايع والوصوف الحسينه شوفه شـفى قلبي وبعد عمىالعين** لكـــن حالوا الناس بيني وبينه والثاني انته تعرفه ياحسن زين** برواحنــــا طول الزمن مفتدينه واليـــاأمر بلمر جينا مطيعين**صــــــــويب رايه كلنا ماخذينه يقول يالمقرود وشلك بلأقصـــين**واقـــــول روحي في هواهم سجينه واليوم تكفى ياحكيم الحـكيمين**الحــــــــل منك ياحسن محترينه طـــــــرحت قدامك قضية محبين**هـــات الدوى لهل القوب الحزينه وصلاة ربي عد من تنطـــق السين**عــــــلى الذي مرسله ربي بدينه |
| الساعة الآن 01:41 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir