|
قصة مؤثرة جداً سمعتها من شريط إسلامي وكتبتها ونسقتها بقلمي . عشق وجنون يقول جلسات الخميس والأربعاء هو اللي ينسقها . يحمل أوزاره وأوزار كل هؤلاء ...!! يقول إلى أن جاء يوم وكان فلان هذا نحبه ونحب جلساته لأنه خفيف دم . يذب على هذا ويتكلم على هذا ويضحك المجموعة ..!! لكن أكثر شيء إنا نخاف من لسانه السليط اللي ممكن يستلم أحد فينا ما يداوم إسبوع إلى أن جاء يوم الثلاثاء : يقول جانا الرجال غير خوينا جالس في المكتب .. ويكتب ويقول اللهم أغفرلي وتب على إنك أنت التواب الرحيم يقول رجعنا نضحك عليه . كل يوم طالع لنا بحركة جديدة ...؟ يقول جلس إلين الساعة 11 والله مارد على أحد منا وطلع يقول رحت للمكتب ثم رجعت بشوفه هو صاااادق وإلا لا . يقول لقيت الرجال طالع متوضي ودخل المصلى . يقول أناضرة عند الباب قااااام ينتفض وكبر وركع ورفع ثم سجد فلا والله ما رفع إلى أن أذن الظهر ثم رفع وكمل صلاته ثم جااااء يوم الأربعاء ننتظر الرجااااال يتصل ما أتصل ولا يرد الخميس ما أتصل ولا يرد الجمعه ما أتصل ولا يرد السبت جينا للمكتب ولقينااااااة موجود يقول : اللهم اغفرلي وتب على إنك أنت التواب الرحيم يقولون معنا واحد في المكتب قليل حيا بزيادة قال له يا فلان والله لأدفع لك مائه ألف ريال لكن تعطيني النوته اللي معك حقت البنات يقول خوينا صااااااح وقاااام ينتفض وبكى ثم طلع يا فلان ما يرد إلين مسكته يا فلان أنا أسف زودنا اليوم عليك وقل حيائنا معك يقول يناظرني تحسبني بكيت إني ما أقدر أرد عليك إنت وياه أنا بكيت لأني تخيلت الله جل جلاله وهو مستوى على عرشة يسمع هذا المسكين وهو يقول بدفع مائه ألف ريال عشان أعصي ربي يقول والله ما أتركك إلين تعلمني وش اللي صار قال أنا يوم الثلاثاء كنت مواعد 3 بنات وأنا رايح للثانيه ثم بجيكم النادي يقول نزلت على شارع المدينة اللي في جدة وجاء واحد بجنبي يقطع الشارع اتقدم خطوة يتقدم . أوقف يوقف . خطوتين يتقدم خطويتن يقول ثم فجأه وقفت وتقدم الرجال خطوة وسيارة ماشية بسرعة القصوى فجأه إذ بالسيارة تضرب صاحبي هذا اللي ما أعرفه ...!! وتضرب فيه والله العظيم الصدام في البطن والصدر والوجة يضرب بالكبوت والرجلين تحت . وسحبته السيارة قدامي وما بقى عظم إلا وتكسر ..؟ يقول جلست أناضر فيه وبكى الناس والله أنا ما بكيت يقول جلست أنضر ... الناس يناضرون وجهة .. الذي إمتلىء بالدماء وعاثت فيه الجراح وأنا والله العظيم إني أشوف وجهي وأنا في لحظة صمت يقول جاني واحد عند إذني وقال إسمع المرة هذة قدمناة وقفناك المرة الثانية والله نقدمك إنت يقول إلتفت والله ما فيه أحد ويقول أسمعها ثانية قال إسمع المرة هذة قدمناة وقفناك المرة الثانية نقدمك إنت ..؟ يقول رجعت قلت لوني متقدم والغرفة مليانه سيديات وأفلام وصور والبومات يقول وأجمع كلها . قلت والله لخلي ربي يشوفني حاطها في كيس نفايات وأجيبها وأرفعها عند برميل الزبالة أجلكم الله . ويقول قامت تجمع علي شياطين الدنيا كلها . اللي يقول خاف تنتكس تتحسف عليها والثاني يقول لا تكمل وأنا جالس أفكر والرابع يقول والله نقدمك والله نقدمك والله نقدمك يقول والله من النفضة والربكة فكيت الكيس يقول طاح الكيس واندثرت الأشرطة والأفلام . هذا الرجل الذي إستفاد من هذه الرسالة والله الذي لا إله إلا هو لو قلت إسمه الأن لفتت القلوب إجلالاً لهذا الرجل يا سبحان الله هذا الرجل على ثغر من ثغور المسلمين يراه الله جل جلاله ونحسبه والله حسيبه والله إن أقوام ما يعرفونة يدعون له وأقوام والله ما رأوه على الطبيعة ويدعون له جعل الله الناس تشرب حبه كما تشرب الماء . هذا الرجل أتاه النذير أما أنت قد لا يأتيك النذير فـ هل تعلن توبتك قبل أجلك اللهم إني أشهدك إني تبت إليك من جميع الذنوب والمعاصي فيا رب تب علي إنك أنت التواب الرحيم . سمعتها من شريط إسلامي كتبها ونسقها عشق وجنون |
| الساعة الآن 02:47 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir