(يابو عبدالله والدعاوي تعاليل مجاراه متواضعه لقصيدة استاذنا ابو عبدالله حول اليوكن وشكلنا سوينا دعاية عسي يقرونها هالشركات و يهدوننا شيئ عاداتك الجزله و بدع التماثيل=دايم تصوغ البيت باسهل وسيله يابو عبدالله والدعاوي تعاليل=اليوكن المذكور عندي بديله جيكسارصنع الفنص ربع ن حلاحيل=متربع ن بالمجد من فوق جيله ماهو بحاجة كثرت القال والقيل=بكثر التجارب والدروب الطويله كسب على باقي المواتر تنافيل=متعلي القمه وهي تستويله ماهو معوكس ينشبك بالدحاميل=يورث على راعيه غبن وفشيله ان وفق الله باليسر والتساهيل=تضرب به الطرقه بليا دليله وان بشروا بالخير صدق المراسيل=اسبوع يضرب بالنوازي هميله ترقب به المشراف روس المقاذيل=والوادي المشهور ندحم سليله ترى المواتر مثل بعض الرجاجيل=فيهم صليب الراي وفيهم هبيله وفيهم صميدع مايهاب المجاهيل=يروم عليا والمراقي طويله وفيهم شبوب النار عز المداهيل=يضحك حجاجه والمعاني جميله وفيهم لياضاقت عليك المداخيل=تلقى الفرج بامر الولي من حصيله وفيهم ردي عزوم رخو الصواميل=مايسند المعتاز لو يرتكيله وقت الرخا كلن يسوي التهاويل=وقت اللقا مايزبن اللي يجيله من رافق الاجرب حصيله تفاشيل=ومن رافق الطيب يجيب النفيله ومن لا يعزك ماب قربه محاصيل=باهون سبب يبعد و بنفض شليله ياطالت السفره تبين الجماميل=ويبين عمق الجم وسط الثميله وصلات ربي عد همل الهماليل=على نبي نور الله دليله |
الساعة الآن 08:45 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir