منتدى استراحات زايد - هذا الرصيد وراس مال التجاره *** ماهو رصيدن في بنوك الهوامير

هات القلم واكتب خلاصـــة عبــــاره *** من صدر مشحون الهجوس المغاوير
نقطه هجوم احساس وتــشن غـــاره *** ومـــركز دفــاع المفردات الاباكـــــير
اسوقهــــن ســــوق النضى بنـــظاره *** لا ناحــــرن والا تقــــافن مــــدابـــير
لراع القعود اللي قصيرن هجـــــــاره *** لا مفــــرجن كربه والا كاسبن خــير
حتى ايش لو عدل بعوجــــة جـــداره *** ارشــــاه ماياصل على قاعة البـــــير
اسباب ماهيض ضمــــيري وثـــــاره *** وقتـــن تساوت فيه روس المعايـــير
صمل على رايه وصــــــــــدر قراره *** ما عاد فيـها يبلج الوجــــه تاخـــــير
لو ذقت من لذة حلاتـــــــه مــــراره *** يسقــــيك من سم الافاعي مقاديــــــر
اخير مضمون الكــــلام اختصـــــاره *** بطـــش الشجاع ولا حيات المعيثــــير
قافي على شفي موجــــه مســـــاره *** ومفســر مادار بالفكـــــر تفســــــــير
دار الزمان ودارنـــــي مع مــــداره *** وتذكـــــر الماضي غرابيل ومثــــــير
ذكرت شبــــــت نارنــــا بالزبــــاره *** شمالـــي الجودي جنوبن من الضـير
منول مداهــــيل الــــمها والحبـــاره *** واليـــوم عنها الفضى ينزح الطــــــير
فركونها الشاوي مقيد حمــــــــــاره *** وبيـــض النعيم تقشر الارض تقشـــير
تقول فيران تحــــــــرث الجحـــــاره *** فميـــها بالقشـــــع مثـــــل المناشــــير
افنت يباس العود قبـل خضــــــــاره *** معــــاد لصقــــــار فيــــــــها معابـــــير
ما من سنع وابطلب الاستخـــــــاره *** بامــــره يدبــــرنا علــــى خــير تدبـــير
اما يمين الارض والا يســـــــــــاره *** مـــع درب مرمــــاع الوسوم المباكــير
سيل ادعوبه ليـــن ملت بحــــــــاره *** الســـدر وسطه مثل روس العصافـــير
وبعد اسبوع القاع بش بخضــــــاره *** قفـــرن خلا ومن الدبش مابعد ذيـــــــر
متماسكن ريحــة نــــــداه وعفـــاره *** ومــــــــخالطه ريح الكــداد المباشـــير
نبغى لنــا يمـــه اسبــــوعن زيــاره *** حيــــث ان لربـــــدا عليـــها معابـــــير
لحضر الصقــــــار مــن راس قاره *** واخذ على اللي يســـبر الارض تسـبير
خطاة فنون راس عيبــــه نـــــزاره *** هزعـــــن متونـــه مثل روس البواكــير
لا زاولت له هـــز راســـــه واداره *** وسمر على روس الظـــهور المناحـــير
اما ارتفـــع والا عــطى الحزم زاره *** ياخــــذ على كـــبد الخضـــيرى مغامــير
لا هو وني ولا سريعــــن طيـــــاره *** لا شــــافهــــن متـــطاولات المشاقـــــير
حول عليهن مرتفــــع بنحــــــــداره *** وعيـــــــونهن للجــــو يمـــه مطايـــــير
استفــــرد الحفـــان بكفــــــه واداره *** كفـــــن يخلــــي الدم الاحمر شخاتـــــير
هذي حلات الطير وقــت انتصــــاره *** اصــــور الواقــــع على الغيب تصويـــر
اخير مافي الطير نظــــرة شنـــــاره *** لا صار وافــــــي بثـــــلاث المشاهــــير
خطو اشعلن يدلج شعالــــــه شقاره *** يفـــــرق بوجهه عن وجــــيه المغاتـــــير
عليه من منصور عــين النـــــداره *** منصــــور عبدالله زبـــــون المخاســـــير
شبل تسلسل من عرين النمــــــاره *** ما يلحقـــــه من كل الاطراف تقصـــــــير
هذا الرصيد وراس مال التجــــــاره *** ما هو رصــــيدن في بنوك الهوامــــــــير

الرجم النايف