|
صور ليليه لجبال طويق الشامخه+طلعة القديه عدسهMohamed السلام عليكم عليكم ورحمة الله وبركاته المشاركه // صور ليليه لجبل طويق وصور ليليه لطلعة القديه وفيه قصيده لشاعر آل مقبل عبد العزيز المقبل ( أبو صالح ) رحمه الله حينما شق طريق الرياض الطائف السريع جبل طويق ورأى الشاعر مرابع الصبا ، ومراقب الوعول ، تلتهمها البلدوزرات ليخترقها الطريق عبر ما يسمى ب(القدية ) اليوم ،تأثر كثيراً بذلك وقال مستعيداً ذكرياته يا والله اللي تزلزل نايف الجالي مدهال حجل القوايم هدّوا خشومه هدّوا رفيع النبا والمرقب العالي ابو مطيريد مع نبعان وقصومه عْلِيت يا مرقبٍ للصيد مدهالِ هذي مواريه فيه وهذي رسومه ياما تلوّى بجاله كل ختالِ قبل صلاة الفجر ما ياخذه نومه يشيل مسلوبة يطرَب لها البالِ سبرٍ علمها وهي في الصيد ملحومه صنع الفرنجي عليها لفة حبالِ يشقى بها واحدٍ ما صوبن هدومه يقدح ذخيره وزنده يشعل اشعالي إشعال برقٍ سرى في مَقْدم غيومه هذي تواصيف جيل وقبله أجيالِ وكلٍ خذا له من الطيب مقسومه وهذه قصيده للشاعر المرحوم / عبدالعزيز المقبل رحمة الله وقال مخاطباً طويق ويبثه شكواه ومعاناته وشوقه إلى صعوده وشم نسيمه: زهقت من المجلاس وحدي وغنّيت وعبّرت عن هاك الخشوم المقاييف يا طويق لى شفتك من الشوق ونّيت ونة معاق جاريٍ له صواديف يا طويق ياما بك طلعت وتمشيت وسبرت حذرات ترب الحجاريف يا طويق ياما بك لحالي تمخليت وأمسيت في روس الحجايا المشاريف يا طويق ياما بك تسمعت وأوحيت وقش الوعول مداحمات المهاييف يا طويق لو لي حيلةٍ كان عدّيت وسجّت النفس في روس هاك النفانيف وعندي هواك بقمتك لى تعلّيت ربعه يوازن ضامرات السراجيف وهذا رابط من باقي قصائد الشاعر في تقرير أوسع من جريدة الرياض http://www.alriyadh.com/2009/10/22/article468204.html وسلامتكم ... |
| الساعة الآن 07:33 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir