|
الصيد على الحيد البحري ( الكساره) السلام عليكم ورحمة الله وبركاته حياكم شباب هذي فكره توضيح طريقه الصيد بالتوشيح(رمي الجلب بدون ثقل بشكل يدوي على الشعاب المرجانيه) وهي طريقة اكثر اهالي الساحل الغربي اذا كان الصيد من السيف وطريقتها ان الصياد يدخل الى اقرب نقطه من نهاية الحيد (عند مكسر الموج وهذا سبب تسمية الكساره) يعني الى عمق يصل الى المتر تقريبا حيث يكون انحدار البحر يزداد بسرعه والشعب امام الصياد ويكون المرمى امام الصياد مفتوح حيث يقوم بعمل دائره كبيره بالخيط ويعتمد على الطعم في الرمي يعني كبر الطعم شويه وخليه ثقل واعمل حركة الدوران بسرعه ثم افلت الخيط علشان يروح ابعد نقطه ممكنه ويستخدم مواسير البلاستيك للف الخيط وللمساعده في الافلات بالخيط عند الرمي عموما راح اشرح لكم بالتفصيل حبه حبه عشان يكون الشرح وافي وما ذكر بعاليه يعتبر مقدمه فقط الادوات المطلوبه ( قمت بتطوير بعضها وعمل بعض الاضافات) الملابس للوقايه من حرارة الشمس يلزم فانيله كم طويل (طبعا الشورت ما يبيله ضروري سواء فيه شمس او لا) قبعه للوقايه من الشمس ايضا جزمه بحريه (للوقايه من الشعب المرجانيه والاسماك الرابضه في القاع) عدة الصيد المواسير البلاستيك (مطوره) اكثر الناس يستخدم العلب الفارغه شنطة العده طبعا مع خيوط مقاسات من 40 الى 70 وسنانير (ميدار) من 12 الى 9 (كربون) العياشه أو المحيا (للحفاظ على السمك حي وطازج اطول وقت ممكن)تم اضافه لستك عربانه للحفاظ عليه طافيا شنطه للخصر لوضع الطعم الجاهز للصيد ووضع الميدار وبعد الادوات في البحر كشاف ليلي لمن يرغب في الصيد ليلا (ننصح بعدم الصيد ليلا الا للمحترفين) يفضل نوع باناسونيك ياباني ممتاز ينفع لعمق يصل الى 60 متر وهو قوي قوي جدا وشديد الاضائه طبعا ثلاجه للثلج وحفظ الاسماك بعد الصيد ملاحـــــــــــــــــــــــــــــــــــــــــظه ونصيــــــــــــــــــــــــــــــحه افضل طريقه لحفظ الثلج واعادة استخدامه هي بشراء عبوات ماء صحه صغير (كاسات) ووضعها في الفريزر حتى تجمد ثم وضعها في الحافظه وبذلك يمكن استخدامها بعد ذوبانها من فوائدها عدم ذوبان الثلج وتحوله الى ماء وراح يحوسك ويلخبط كل شي في الحافظه تقدر تشرب منه بدون ما يتغير طعمه واشياء اخرى راح تكتشفها مع الوقت نرجع للموضوع افضل انواع الطعم اللي استخدمها الحبار (مقطع) سا ردين (كامل صغير) سلماني (مقطع) الحين اعتقد ان الصورة اتضحت تماما يعني الواحد عرف وش يلبس ووش ياخذ معه من عده وطعم وكيف يرمي وشغلات كثيره الحين عاد بقول لكم وش افضل اوقات الصيد المتوقع انك تصيد فيها سمك طيب واحجام طيبه اولا عندك من بعد الفجر على شقة النور يجي معك الشعور وابو عديس والخرم(الحاقول) الى الساعه 10 تقريبا بعد كذا اطلع لان الموج راح يشد غالبا وماراح يجي معك سمك الا نادرا والوقت الثاني هو من بعد منتصف الليل الى قريب الفجر ويا الله يا كريم هذا وقت الشغل المضبوط شعور بعدة انواع (محيسن-ابو عين-كي-ابو بوز-الخ) البهار بمقاسات جيده اذا الله رزق وقحايه عصمود كشر توينه وانواع اخرى بس فيه شغله مهمه لازم تاخذون بالكم منها البحر الاحمر مشهور بخطورته وما فيه ورد من غير شوك لازم ننتبه الى المحيا (العياشه) حقت السمك ما نربطها قريب مننا افضل شي نربط فيها حبل طويل (من 2 الى 3 متر) وتربطها في الخصر تدرون ليش؟ لان فيه اسماك ممكن تهجم على صيدك وانت غافل فمن الافضل انها تهجم بعيد عنك ومن الاسماك اللي نخاف منها على الكساره القرش الشاقه او حية البحر او الموري الاخطبوط العقام (الباراكودا) تحذير لا تلبس شي يلمع وانت تصيد او تسبح او تغوص ترى مالي شغل عموما ارجو ان الموضوع واضح وبصراحه حبيت افصل واكثر شرح لان البحر الاحمر اخطر بحر على وجة الارض والصيد بدون قارب داخل الماء يعتبر خطر الى حد ما فاعذروني على الاطاله تحياتي لكم واتمنى ان يكون الموضوع شيق ومفيد واي سؤال انا حاضر لكم اخوكم هادر موضوع من مواضيعي شبق طرحه في منتدى اخر |
| الساعة الآن 01:59 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir