|
*****التجربة الفريدة لأصاحب الجيوب القديمة******بالصور***** اسعد الله اوقاتكم بكل خير اما بعد :f :f :f :f في هذا الموضوع استعرض معاكم تجربة فريدة من نوعها وأثبتت نجاحها معاي في موتري بالرغم التردد الواجد على الكهربائيين واللي مايعرفون وايش ابي بالضبط فيما يخص التجربة ذي أو يجننك بأسعار خيالية ... اعتدمت على الله ثم على قدراتي المتواضعة والسبب اللي دعاني لخوض هذه التجربة اكثر الاوقات انسى المفتاح جوّا السيارة لا وأقفل علية بالزر والسبب الثاني لي فترة مركب اضاءة داخلية بتشوفونها مرفقة بالصور دائما انساها تشتغل والسبب الثالث الكشافات الامامية اللي ركبتها على مفتاح مستقل وانسى منها تشتغل الين تخلص البطارية. قلت يااخوان ما يبي لها تفكير استغل لمبات المفاتيح اللي عندك طيب وشلون ؟؟؟؟ قلت بالاشي من ان تكون لمبات المفاتيح حقت الاضاءة الداخلية والكشافات تشتغل على الفاضي واستانس عليها بالظلمة. بحيث انها تشتغل هذه اللمبات حقت المفاتيح ما دام ان الاضاءة الداخلية تعمل* ومادام ان الكشافات الامامية تعمل *وبرضو ما دام ان المفتاح موجود بالسلف ما لكم بالهرج الكثير اترككم مع صور هذه التجربة وصراحة تفيد اخواننا اللي معاهم مواتير قديمة واللي ما يجي عليها تنبيه ان المفتاح مثلا باقي موجود بالسلف . أو ان الكشافات الامامية ما لها صوت تنبّه صاحب الموتر انك ناسي كشافاتك شغّالة* أو اضاءات داخلية او او.... وبسم الله نبدأ الصورة الثانية تم تركيب الاضاءة الداخلية من فترة طويلة والتحكم عن طريق المفتاح اللي سبق وان شفتوه هذه الصورة عند السواق وحاولت اقرب اللمبة قدر المستطاع عشان اضاءة على الدعسات -أكرمكم الله- وعشان مكان الفيوز الداخلي أقدر اشوفه وهذه اللمبة في الناحية التثانية تحت الدرج الكبير امام الراكب طبعا اللي خدمني في هذا الموضوع ان فيه فتحات جاهزة في طبلون الموتر ومن دواعي التوفيق من الله تعالى وجدت ضالتي بها النوع من المفاتيح ولها معاي فترة شغّالة من احسن ما يكون والمشكلة انه كان اخر حبتين بالسوق في الغرابي وما عاد حصلت مثله هذا تركيب المفتاح الخاص بالاضاءة الدخلية بالرغم من انه الاضاءة تعمل لكن اللمبة لاتعمل ومن هنا ضرورة تعديل اسلاك المفتاح بحيث اذا شغلت الاستبمبات (النعّاسي كما يسمية البعض) يعمل واذا شغّلت الاضاءة الداخلية وبدون علمي مثلا في النهار تعمل ايضا عشان تنبهني بأن عندي لمبات تشتغل وماني داري عنها هذه الصورة قبل التعديل http://m7ml.com/uploads6/e1e29cb793.bmp هنا طول الله اعماركم على ما يحب ويرضى مفتاح الكشافات الامامية وعملت فيه التعديل التالي لو تركت المفتاح في السويتش تضل اللمبة تعمل بنورها القوي ولو شغلت الكشافات ايضا تعمل هذه اللمبة وهذه الصورة بعد نجاح التجربة عندما تم سحب المفتاح من مكانه وتأكدت انه معاي طفيت اللمبة تلقائي ***ولو ما طفيت اللمبة بأكون متأكد ان الكشافات باقي شغالة لكن في الحالة هذه الكشافات مهيب شغّالة..... تبيّن الصور التالية لو قمت بتشغيل السيارة أو تركت المفتاح بالسويتش تضلّ لمبة المفتاح زي ما تشوفونها تشتغل حتى لو اشتغلت الكشافات الامامية ما فية مشكلة ما دام اني موجود بالسيارة وعارف انها شغّالة نجي للشغل اللي سويّناه على مفتاح الاضاءة الداخلية وتبين الصورة كل شي وهذه طريقة تركيب الاسلاك على هالمفتاح بحيث اتحكم بالاضاءة الداخلية واللي تعمل لوكانت الاضاءة الداخلية تشتغل وفي نهاية هذا التقرير ارجو اني قد وفقت في طرح ما يفيد اخواننا وخاصة للي مواتيرهم قديمة والتي غالبا تفتقر الى اجهزة أو علامات التنبيه في حالة لو تركت اي جهاز أو لمبة يمكن تهّرب الكهرباء ... و طبيعة الحال هذه السيارة مخصصها للبر فما فيه اي داعي اترك مجال لأخطاء فادحة مثل هدر طاقة البطارية أو قفلة المفاتيح اللي كلفتني تكسير القزاز في البران وانا من الله في سعة ولكم خاص مودتي وتقديري |
| الساعة الآن 06:52 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir