منتدى استراحات زايد - ..× آسـمـحـليـ آشــؤفـكــ ـ قـبـل مـآـرـؤحـ ×..

بسم اله الرحمن الرحيم

رواية " اسمحلي اشوفكـ قبل ماروح " للكاتبهـ : الـخفـــوق ..

هي روايه مليئه بالحب و العواطف الجميله ولكن يوجد للشر و مكان بينهم
لانه سيغير اشياء جميله كانت يجب ان تكون اجمل مما هي عليهـ
اتمنى لكم قراءه ممتعهـ

تعريف العوائل :

بيت بو تركي
بوتركي( ابراهيم ) : الابو و هو اكبر اخوانهـ رجل اعمال معرووف جدا جدا
ام تركي(مريم) : معروفه بطيبتها بالعيله و هي مديره مدرسه
تركي : اكبر اخ جامعي عمرهـ 25 سنه
غلا : اختهم الكبيرهـ عمرها 24 لكنها مب متزوجه تبي تكمل دراسه باقي لها سنه و تخلص
سعاد : تدرس خلصت ثانوي عمرها 20 سنهـ معروفهـ بخفة دمها بالعيلهـ
عبداللهـ : اخر العنقود اخر سنه ثانوي عمرهـ 18سنوات

بيت بو خالد
بو خالد ( عبدالرحمن ): هو موظف عادي يعني ع قد حالهـ اصغر من اخوه ابراهيم بـ 3 سنين
ام خالد( عايشه): ربة منزل فيها حقد معروف بالعيلهـ تحب الفلوس وايد و هذا سبب مشاكلها مع زوجها و عيالها
خالد : اكبر واحد من اخوانهـ عمرهـ 31 سنهـ متزوج و عندهـ بنت وولد رجل اعمال توه يبدا بمشاريعه
دانهـ ( زوجه خالد ): حبووبه و طيوبه عمرها 27 متزوجه خالد عن حب هي موظفه
ميرهـ : بنت خالد عمرها 5 سنوات ,,, حمد : ولد خالد عمره 7 سنوات
ناصر : عمرهـ 24 سنهـ و يدرس في البلاد بس متمرد واايد
راكان :عمرهـ 22 سنهـ جامعي في نفس جامعة ناصر لكنهـ عكس ناصر محترم و رزين و ثقيل
مها : بنت حلوووه *_^ عمرها 20 سنهـ

بيت بو مساعد :عايشين في فرنسا
بو مساعد ( اسماعيل ) : عايش في فرنسا لانه يشتغل في هناكـ رجل اعمال مهم
ام غرام ( خلود ) : زوجتهـ الثانيهـ بعد زوجتهـ الاول اللي توفت ..بس خلود حقووده
مساعد : ولدهم الكبير لكنهـ طيب و ثقيل عكس باقي اخوانهـ .. لانه من زوجة ابوهم الاولى .. عمرهـ 26
محمد : اخو مساعد من نفس الام علشان كذا هم مع بعض واايد و نفس صفات مساعد عمره 25
غرام : بنت خلود لكنها نفس صفات اخوانها لانها من تربية جدتها عمرها 23
نوف : بنت حقووده و من صغرها تحب راكان لكنه ما يحبها عمرها 20

^^
هاذي هي العوايل المهمه و العوايل الباقيه رح نعرفها خلال القصهـ

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

(( الحزء الاول ))
:: الفصل الاول ::

---------------------------

بيت بوتركي كانوا البنات متجمعات عند غلا و سوالف و ضحك و انواع الوناسهـ
غلا : اقول بنات شورايكم نطرش محمودو >> السايق .. ايجيب لنا باسكن
البنات جاوبوا بانهم يبون
مها : بس انا بروح البيت تأخرت وايد
غلا : لا لا لا توهـ الناس مهووهـ
مها : اوكي انا بروح و انشاللهـ مرهـ ثانيهـ علشان اخوي اليوم جاي من السفر .. اقول وين سعاد ..؟
غلا : اوكي معذورهـ عشان خلوُود خلاص رووحي .. و سعاد نايمه ما تعرفينها يعني
مها : خلوود بعينج خخخـ اكبر عنج خخـ
غلا : عادي عادي صديق الطفولهـ
مها : هههـ و الله لاخبر سلاموو بتقطعج و اللهـ خخ
غلا :: عادي خبريها
مها قامت تلبس عبايتها : ياللهـ بااي هذا نصوٌور متصل بااي
البنات : باااي
قامت مها و قامت معها غلاا توصلها للباب مها تمشي قدام و وراها غلا
و هي نازلهـ من سلم الفلهـ و تعدل عبايتها كان تركي طالع ع السلم و هو يلعب بالجوال و الاثنين مب منتبهين لبعض
بس غلا المنتبهه و كعادتها تحب المقالب خلتهم .. عالسلم و هم يمشون فجأهـ ... صدم تركي مها
مها تمنت الارض تنشق و تبلعها و مها تركي وقفوا مصدومين ما يسوون شي بس يطالعون بعض تركي انبهر بالجمال اللي قدامهـ
طبها هو مايذكر بنات عمهـ و قاعد يطالع فيها و هي تطالع فيهـ و نزلت راسها و خدودها صارت حمراا و غلا طبعا ميته من الضحكـ عليهم
هنا انتبهـ تركي على نفسه و سوى طريق علشان تمر و قال لها اسمحيلي و مشى طبعا و وقف يطالعهم من بعيد
غلا و هي تضحكـ : هههههـ ههـ اونها تستحي
مها و هي تضربها ع الخفيف : ليش ما خبرتيني ليييش ..؟
المهم البنات و هم يمشون سولفوا الين وصلوا للباب
غلا سلمت على مها و رجعت للبنات فوق
---------------------------------------------------------------------------------------------------------------------------
عند مها

مها بعد ما سلمت على غلا راحت عند البوابه ضبطت غشوتها و راحت لاخوها
ركبت السيارهـ
مها :هلا و الله بـ ناصر
ناصر : هلا و الله بالغاليهـ
ناصر فجأه عقد حواجبه و عصب
مها : شفيك يا خوي عسى ماشر
ناصر : انتي متعطرهـ بعطر رجالي ..؟
مها ارتبكت و ما عرفت شو تقول .. تقوول انها صدمت تركي ..؟؟؟؟؟
مها بارتباكـ : لاا تراني سلمت على عمي و ريحة عطر عمي ماشالهـ قويه
ناصر : بس عمي سيارته مب موجوده كيف..؟
مها : لا هو جاي مع ولده
ناصر : قصدج تركي ..؟
مها : مادري والله
ناصر : ايوه ترا هاذي سياره تركي
مها : اهااا
ناصر : اليوم رح يجون خالد و زوجته و عياله
مها : ايوه خبرتي دانه اليوم انهم بيجون الساعه 11 بالليل
ناصر : ايوااااا
مها : اقول شو رايك نروح ناخذ لهم حلويات و عشا
ناصر : اوكي بس من وين برايج ناخذ لهم
اتفقوا مها و ناصر من وين يجيبون العشا والحلويات و بعد ماخذوها
رجعوا للبيت و كان بستقبلعم امهم << الحقوده
ناصر و مها : السلام عليكم
امهم : و عليكم السلام .. ليش تاخرتوا ..؟
ناصر : رحنا نجيب عشى و حلويات لخالد و زوجته
امهم بقرف : ههـ كل هذا لست الحسن و الجمال داانووهـ
مها : حراام عليكي يمه ليش تتكلمين عنها كذذا و هي دايما تتكلم عنك بالخير
امهم : اقول انتي و لا كلمه
و قربت منها و مدت يدها علشان تضربها و لا تشوف يد تمسكـ يدها بقو و لا خلتها تتحركـ

------------------------------------------------------------------------------------------------------------------------------

طبعا نرجع لبيت بو تركي

بعد ما تركي راح لغرفتهـ بدل و سبح و راح اتمدد ع سريرهـ و قعد يفكر بالبنت للي شافها اليوم
بنت من يمكن انها تكون ..؟ شو فكرتني يوم صدمت فيها ..؟ بعدين تذكر شي و قام من سريرهـ و راح لغرفة اختهـ و فتح الباب فجأهـ
و لا البنات كلهم قاعدين يشوفونهـ طبعا هو كان حالتهـ حالهـ لابس بنطلون و قميص لانه كان بيروح البولينغ و شعره للحين فيه ماي و المنشفهـ
ع كتفهـ .. طبعا هو كان رايح حق اختهـ علشان يسألها عن البنت و يوم شاف البنات لعن الساعهـ اللي شاف فيها البنت هههـ
و سكر الباب شوي شوي و طلع البنات ما قدروا يمسكون عمرهم و انفجروا من الضحكـ ع شكلهـ البرئ خخـ
تركي كان واقف عند الباب للحين يوم سمعهم يضحكون تضايق و رجع غرفته
و رجع تمدد ع سريرهـ و قعد يفكر بالبنت اللي شافها بعدين قال لعمرهـ الحين ليش افكر فيها صدق اهبل هههـ ..؟ و ناام بدون ما يحس
بعد ساعهـ تقريبا .. دخلت غلا عليهـ و شافت شكلهـ و هو نايم حستهـ و لاول مرهـ برئ ابتسمت و قعدت جنبهـ ع السرير
قعدت تطالعهـ وهو نومهـ خفيف وايد على طول فتح عيونه شوي شوي و ابتسم
غلا : نوم العوافي .
تركي : اللهـ يعافيج
عدل قعدتهـ و رجع شعرهـ لورا
غلا: شكلك متضايق شو فيكـ
تركي: سلامتج و اللهـ ما فيني شي
تركي كان يكح و تعبان بشكل لانه كان توه متسبح و نام و مشغل المكيف بدون ما يتغطى وهو اصلا مناعتهـ خفيفهـ واايد
سارهـ و فتحت عيونها : انت متسبح و نايم بدون ما تتغطى
تركي: لا بس انا تمددت و كنت بطلع بروح ويا ربعي و غفيت بدوون ما احس ع عمري كح كح
غلا كسر خاطرها و هو يكح حطت يدها ع خده علشان تشوف حرارتهـ : اوووووف حرارتك مرتفعه واايد
تركي: هههكحههكح عادي عادي
و قام من مكانه و قعد يمشط شعره
غلا: و ين ناوي تروح
تركي: بروح البولينغ
غلا : اقول استريح بس ما في طلعه و انا سارووه
تركي: شوو مافي طلعه انا مب ياهل
غلا: تركي الله يخليك علشان خاطر اختكـ
تركي: اوكي كح كح خلاص
غلااوكي انت بدل ملابسكـ انا بروح بحطلك عشى
و قبل ما تتطلع خذت مفتاح سيارته و طلعت
تركي ابتسم
تركي بدل و رجع اتمدد على فراشهـ
و بعد شوي دخلت غلا و هي ماسكهـ صينية عشى حطت الصينيه قدامه علشان يتعشى
قعدوا يسولفون و هو يتعشى .. بعد شوي خلص عشى .. طلعت غلا و هي ماسكهـ الصينيه
و راحت قعدت في الصالهـ مع امها و ابوها بعدين خبرتهم عن مها و تركي و بعدين قالتلهم ان تركي تعبان يعني محد يزعجه
و راحت تنام تقريبا الساعهـ 11 بالليل
قعدت على سريرها و سمعت صوت في غرفة تركي اللي مجاوره لها
فزت من سريرها و راحت على طول غرفة تركي شافت منظر ما تمنت عمرها انها تشوفهـ

----------------------------------------------------------

شو تتوقعون شافت غلا في غرفة تركي ..؟
منو تتوقعون حمى مها من ظلم امها ..؟

يتبع