منتدى استراحات زايد - طريقة فصل الدفع الرباعي المستمر .. ممكن أحد يفيدنا فيها ؟ ونستقبل آراء المجربين

بسم الله الرحمن الرحيم

السلام عليكم ورحمة الله وبركاته ..

مساكم الله بالخير والسرور ..

في الحقيقة هذا الموضوع كثيرا ما طرحته في ردود داخل بعض المواضيع .. وأجد كثير من الأخوان جزاهم الله خيراً إذا طلبت منهم الطريقة قالوا : وشو له بيضر سيارتك ما له داعي وزي هالكلام :) .. وأنا في الحقيقة شبعت من كثر ما أسمع الكلام هذا .. :D .. يعني ما فيه أحد يقول أنه جرب .. اللي اجتهد قال : وشو له تبي تفكه .. :eek:

عالعموم أنا معي فور تشنر والدفع الرباعي مستمر فيه ..

فقلت ودي أشوف طريقة فصل الدفع الرباعي المستمر وجعله دفع خلفي فقط .. ولذلك عدة ميزات منها تقليل صرفية البنزين والله أعلم وما ني بمتأكد من هذا .. وأيضا أحلى في التطعيس ..

وذكر لي بعض الشباب أن فه محل في الشفا يفصله وقالوا فيه محل في الصناعية القديمة .. لكن أسعارهم في الحقيقة فيها مبالغة شديدة وأسعار خيالية غير معقولة بصراحة ..
فقلت أبشوف الشباب والخبراء في مكشات عن طريقة فصل الدفع الرباعي المستمر يعني الموتر يصير دفع خلفي فقط .. وعند تشغيل الدبل يشتغل دفع رباعي .. وهل بالإمكان وضع فاصل (( زر )) كهرب يفصل الدفع الرباعي المستمر ويشبكه ولا هذا من المستحيلات ..

والقسم الثاني من الموضوع نشوف فيه آراء (( المجربين )) فقط :) .. وراعي النصح والمشورة :good: ..

كثرت عليكم يا جماعة .. لكن الصراحة كل ما طرحت هذا الموضوع يطلعوني لموضوع ثاني وهو ليش تبي تفكه ماله داعي ..

جزاكم الله خير .. والله لا يحرمكم الأجر ..

وودنا نعرف من كل أصحاب السيارات التجربة .. يعني ليس الموضوع خاصاً في التجربة على الفورتشنر .. بل ودنا نسمع التجربة من أصحاب اللكزس واللاندكروزر والباترول ..

والسلام عليكم ورحمة الله وبركاته ..