|
عطنا ما عندك من علم لا هنت ،،، بسم الله الرحمن الرحيم أخواني الأعزاء فخر لي أن أكون بينكم في هذا الصرح الشامخ المليء بكل ما يحتاجه الكشاته وغيرهم وإلى الأمام أن شاء الله موقع وأعضاءه الكرام ،،، حبيت أطرح موضوعي وهو لكي أستفيد ويستفيد من يريد أن يستفيد ولديه ما لدي ،،، وزعتها على عدة نقاط في البداية أنا شريت جيب ربع 2009 وحبيت أعمل له بعض الإضافات الخاصه بالبر والنفود وما تضر السياره ،، 1ـ أبغى أرفع الجيب من الخلف طبعاً هو سست مهوب يايات لأني مركب عليه جنوط فراشه مقاس 17 وش الطريقه ؟ وبأي مكان أفضل وشغلهم زين بالرياض ؟ 2ـ بخصوص الفلتر أخواني هل يضر بالسياره سواءً بالوقت الحالي أو بالمستقبل مثلاً يضر القير أو المكينه أو أي شين بالسياره ؟ وأفضل نوع والمقاس المناسب له ؟ 3ـ أنا الموتر ألي معي خليجي به بلوتوث ما عرفت أستخدمه وما به زر ولا شي أقدر أشغله كيف طريقة تشغيله ؟ وأستخدامه ؟ 4ـ عندي واحد من الغطيان حقت الجنوط به كسر بالقاعده وين أحصل محل يبيعها بالرياض ؟ 5ـ ودي بالغطاء حق الونش أو كتبه صغيره بلاستيكيه تجي بالجيب والحوض بالأسود مكتوب عليها لاندكروزر تركب مكان الونش واللوحه تصير بالجنب وين أحصلهم ؟ 6ـ أفضل دبه للجيب طبعاً ما يكون صوتها مزعج تكون مع الدعسه أنا سمعت عن دبة اليوكون أو دبة اللكزس وش الأفضل بينهم أو إذا فيه نوع ثاني بس أهم شي يكون صوتها ما به أزعاج ؟ ووين أفضل مكان بيعها ويكون سعره مناسب بالرياض ؟ أعذروني أخواني على الإطاله لاكن أسئله أستفيد منها أنا وأن شاء الله يستفيدون باقي الأعضاء ومن يحتاجها ،،، وتسلمون جميعاً أخواني الأعزاء ،،، |
| الساعة الآن 07:38 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir