منتدى استراحات زايد - شريت هايلوكس 2010 وطلعت مكينتها 2000 سي سي

السلام عليكم
مالكم بالطويله انا رحت قبل الحج لمعرض بالقصيم (بريده) وشريت تويوتا هايلوكس موديل 2010 جديده وارد عبدالطيقف جميل
ب58*200الف وبعد ماطلعت للموتر لوحات ومميز بعد ا ص د 3330 وامنت وكل شي جيت اخذ الموتر الا وراعي المعرض يقولي
يابو علي الموتر فيه مشكله قلت عسى ماشر قال الموتر قوته 2000 سي سي مو 2700 قلت يارجال قل غيرها قال هذا العلم
وانا انغشيت مثلك وصاحب المعرض شاري 40 سياره غماره وكلعن طلعن 2000 سي سي وشيكت على ورقة الجمارك ومكتوب
2700 سي سي وداخل الكبوت القطعه المعدنيه مكتوب خلاف ذالك مااتذكر بالضبط بس يبين انها 2000 سي سي
وقال صاحب المعرض انا ابعطيك 5000 الاف وخذ السياره صراحه ترددت وقلت ابشاور وارجعلك رحت لوكاله تويوتا
ببريده وكلمت مندوب المبيعات وقلت له سالفتي قال كلامك صحيح مكينه الهايلوكس تجي نوعين نوع 2700 ونو2000
نوع 2700 للخليج ونوع ال2000 لمصر والسودان وليبيا وقليل تجي السعوديه بس للشريكات على حسب الطلبيه
قلت له الحين الاستكر الي على الباب مكتوب2700 قال هاذا غش من الموزع الي بالمينا احنا مالنا دخل
قلت طيب وش الحل قال رجع الموتر لصاحبه وطبعا سألته بكم يفرق سعرها قال يفرق 9000 تقريبا
ويوم قالي 9000 وبعد ماشورت رحت للمعرض وقلت له مابي الموتر والرجال يشهد الله ماقصر
كتب لي شيك بالمبلغ والله يخلف على اللوحه وشفت وانا ارجع سيارتي الا في سيارتين مرجعات بعد
وصاحب المعرض بيرفع دعوه قضائيه على الشركه او على الي موزعله والله ماادري بالضبط
والحمد لله شريت موتر من معرض ثاني وتأكد من القطعه المعدنيه والحمد لله وكل الامور تمام
اوالله اني متحسف اني ماكتبت هالموضوع وقتها بس الحمد لله على كل حال وتأكيدا لكلام اخوي طموح
1والله ع مااقول شهيد فاحذرو كل الحذر