|
%يامشغله خط الغرام اشغليني ،، تراي جوال بليا فواتير% السلام عليكم .. حبيت أنقل لكم هذي القصه للكاتبه سود الليالي .. اقروووووها مابتخسورن ،، تراها طيرت عقلي .. وانتظر ردوووووووودكم .. *** الجزء الأول *** منابع دموع المحبين عيني .. تبكي على نفسي وتبكي على الغير وعن الغلا يا ساريه خبريني .. هل عاد له في قلوب الاحباب تأثير قلب الفراق اللي غدى له حنيني .. ظميان والقصه ما هي جمة البير لكنها شوق يدفه ضنيني .. يا الله عساها ما تطول المشاوير نوارتي .. تجمعي واجمعيني .. وتغطرسي على جميع النواوير مالي عذر حتى أقول اعذريني .. بس احفظي تركيبة البيت الاخير أشرف مثل مقاصده تحتويني .. قل العطا .. ولا كبار المعاذير خلي علامات الشقا في جبيني .. عطر وبساتين وورود وعصافير أبي أشوف العيد في مقلتيني .. وآركب لقلبي جناحين واطير وابي أعيش العمر ما عاد فيني .. أصادم الأيام والا المقادير يا مشغلة خط الغرام اشغليني .. تراي جوال بليا فواتير تمردي على النظر في وسط عيني .. وتعددي على وجيه الجماهير لأن المنام اللي بغيه يجيني .. عيا يجيني لين مسيت بالخير عهود // ياااااااااااااااااااربي ترى هاي مب حاله مليت من البيت والسكرة بموت ترااااااااااني ..أف أم راشد // حطي الرحمن في صدرج وصكي التراب غثيتيبي تراج عهود // هي أمي أنت ها اللي فالحه فيه بس تبغين أسكت وأحبس عمري في ها البيت أم راشد // عيل شوه تبغيني أسويبج عهود // بصراحة أمي بقولج شي .. أنتوا حاكميني حكم قراقوش أم راشد // منوه هذا بوغراش بعد عهود // الله يهديج يا أمي مب بوغراش قراقوش هذا حاكم دكتاتوري متسلط مثل رشود ولدج راشد // شوه فيه رشود عهود // عليك السلام العرب تسلم عقب ترمس متلحج الخراريف ما بيفوتك شي راشد // خاطري افهم شي واحد بس أم راشد // شوه تبغي تعرف غناتي راشد // بنتج ليش تكرهني ؟ عهود بحزن // علشان حطمت حياتي ومستقبلي وحطمت بعد نفسيتي وشعوري بها الحبس ... حشى سجن مب بيت راشد // أنتي شوه تبغين بالظبط عهود // أبغي ادرس حالي حال البنت راشد // قلت لج جامعة ماشي أنتي ما تفهمين عهود // عطني سبب راشد // على كيفي عهود // نذاله غير شكل فيك راشد // على فكره أنا ما أتنيذل إلا وياج عهود // بصراحة راشد أنا مليت منك ومن أسلوبك ربيعك ما ترسيه على بحر يتوه وياك .. زين أقول قوم أبغي أسير حق ربيعتي اليازيه.. قوم وصلني صوبها راشد // ما شي سيره عهود // لـــــــــــيش ؟؟؟ والله مليت ماحد يونسني ما عندي خاوات والخاوان مراغد والتلفزيون عفته وتيلفون ماشي البشاكير عندهن تيلفونات وأنا بنت محمد ال...... استخدم تيلفون البيت .. حشى يابوك راشد // خانج الدنيا يا بنت محمد عهود // لا والله مب الدنيا أهلي أم راشد // شوه تبغين الناس تقول عنا أرغدو بنتهم عهود // جيه ثرني شوه بسوي ..العرب كلها قبضت بناتها تيلفونات وطرشتهن الجامعة ومحد رمس عليهن .. والله أنا عشان بنت سمو الأمير محمد ال......... وأخت صاحب الجلالة سمو الأمير راشد بن محمد ال........ أم راشد // حشى مب بنت يا ثوم راشد // أسكتي أميه البنت فيه كبت نفسي عهود // عشتوا ويعرفون بعد الكبت النفسي راشد // ما تدرين أني مخلص الثانوية العامة عهود // وبعدين استويت شرات العظم في الحلج |
وعقب روحت عهود حجرتها وشالة وياها من هموم الدنيا اللي قاهرتنها .. ربايعها كلهن سارن الجامعة وهي ما روحت مع أن عهود ما تهمها الدراسة وايد بس عشان السوالف ويا ربايعها والحواطة وظهرت البيت . أم راشد // أبويه فديتك جيه نزلت من دوامك راشد // طلعت إجازة أم راشد // عيل قوم ودني حق بيت قوم عمك سلطان راشد // جية وين الدريول أم راشد // مودي البشكارة حق السوق تبغيلها شوية قشار بتسافر راشد // طرشتها .. عسى العين ما تشوفها أم راشد // يا الله ويودي راشد أمه صوب قوم عمه سلطان .. وعقب رد البيت عند عهود ويدق باب الغرفة عهود // منوه راشد // ممكن صاحب الجلالة سمو الأمير راشد يدش عندج عهود وكلها قهر // ممكن راشد // دخل وجان يلس عدلها بكل حنان عهود // وهي طايحة على الشبريه وتسمع أغنية ميحد حمد آه يا من روحة إعتلت .. من كثر الصبر هي ملت مالها بالقود مهواتي راشد طالعها // أقول لا تحاولين ما تقدرين تخليني أكرهج عهود // لا عاد أونك الحين تحبني راشد // ليش منوه قال أكرهج عهود // تصرفاتك البايخة اللي مالها معني راشد // مب أنتي ملانه وعايفة البيت عهود // لا لا لاتقول بتظهرني وين العين مول ولا المارينا ولا دبي لا لا أحسن نسير الشارجة راشد // بنسير بيت قوم عمي سلطان عيل عمي وخواني حمدان وخالد وبعد وياهم سيف ولد سعيد عمي وعيال عمتي صبحوه هناك عند بيت عمي سلطان مسوين مهرجان جدام الفلل يبسون وحالتهم حاله واليولات على كيف كيفج .. مب أنتي تحبين اليولة. عهود // مهرجان شوه أن شاء الله مزايين العين راشد // عاد اسم المهرجان على كيفج عهود// زين أغير جو بعد وساروا راشد وعهود بيت قوم عمهم سلطان كانوا الشبيبة متيمعين وحالتهم حالة وحاطين ميحد حمد حافظ عليك ويعل ربي يخليك ويبسون، ودشت قبل عند الحرمات وسلمت عليهن وعلى البنات ، وخبرت البنات أن الشبيبة مرتبشين خاري وطلعن عشان يشوفن اليولة ويا عهود .. كانت ويهن بنت صبحوه عمة عهود أسمها نوره هذي عاد عهود ما دنيها ولا هي تدنا ويا عهود يكرهن بعض والسبب علشان خليفة ولد سلطان عم عهود يحب عهود وعهود ما تعبره.. و نوره تحبة ويوم درت أنه بيخطب عهود أكثر كرهتها .. طبعاًً عهود مب معبره حد لا خليفة ولا نوره وهي ماتحط براسة نوره إلا يوم تغلط عليها. شيخة بنت سلطان عم عهود // عهود ما شاء الله على خالد أخوج مافية حيلة سكتهم. عهود // صلى على نبيج عوذ با الله بتكلينه نوره // ما تعرفين يوم هذا قولج ماحد غير خواني و خليفة اللي يعرفون يولون. الريم بنت سلطان // نوره خبريني وين نظارتج بيبهن لج ما تشوفين الغالية يوم ها قولج طاعي أصلا ماحد يلعب في الساحة غير خالد ولد عمي عهود // ما أبغيلها غيرج نوره // عاد أنتي تسكتين ماحد رمسج مريم // جية مب اللي تطرين أخوها نوره // لا تنسين ولد خالي مريم // وعهود بنت يرانكم عهود // عمتها وتاج راسها نوره // تخسين من قال عهود// ما أبقي أخيس عمري بحد ما يسوى شيخة// بلاكن محتشرات عليهم ولا دروبكن أنتن هني تتظاربن وهم يرقصون مرتبشين عهود // شوه يرقصون يا أم السمج يولون الشباب يولون مرتبشين مسوين ثنائي ويتنافسون.. والبنات يشجعن عقب قام راشد صوب البنات وسلم عليهن وزقر عهود .. يوم سمع خليفة أن راشد يزقر عهود التفت صوبهم يطالعها .. وعقب يا يسلم عليها عاد هني نوره بتموت من القهر . خليفة // شحالج بنت العم عهود تضحك // بخير ولد العم خليفة // أقول ياربي ليش فلتنا منوره الليلة .. ثرى عهود عندنا عهود// تسلم طال عمرك راشد // خلوف شوه هذا تغازلها عيني عينك هنيه عاد فرحت نوره أف حد بيسكت خليفة علشان ما يرمس عهود والبنات يتضاحكن عليهم . خليفة // اولاً أنا اسمي خليفة راشد // وثانياً خليفة// عهود بنت عمي عهود بدلع // راشد شوه فيك أنا من زمان ما شفته .. تحاسبنا عسب يوم رمسنا كلمتين راشد // أوه نسيت أن اللي ترمس عهود بنت محمد عهود // أحــــــم أحــــــم وشوي وخالد يدخل على الخط خالد // مرحب هذا الغاليه هنيه الريم // منوه أنا خالد // رزت ويه أنتي منوه رمسج .. أنا أطري بنت محمد الريم // أنا زعلانة خالد // مرحبا بالغالية الريم بنت سلطان خليفة // رشود توك تلومني طالع أخوك الحين يغازل أختي عيني عينك لا وبعد يقولها الغالية. راشد // أصغر عيالك أنا تقولي رشود إلا هرم . عهود // خالد مب أنا غناتك خالد// هاتيها من الأخر شوه تبقين عهود // حط شريط هاك السوري شوه اسمه ياربي خالد // قصدج ربيع الأسمر عهود // أرحم الله ولديك هو ها وخلنا ندبك وياك خالد // تعرفين عاد ولا ويا القوم يا لشقراء عهود // أفــــــــــا عليك أخت منوه أنا خالد وهو يزقر على باقي الشبيبة// حطوا شريط ربيع الأسمر عهود أصغر وحده في العايلة بين الأولاد والبنات .. وبعدين هي ما تستحي من عيال قوم عمها وعيال عمتها .. ولا تتغشى عنهم لانهم مستوين رباعه من يوم هم صغار .. وتحسهم كلهم خوانها. مسك خالد عهود في طرفه والطرف الثاني الريم قامت وياهم .. الريم أكبر من عهود بسنة .. سنة ثانية في الجامعة .. خالد سنة ثالثة في كلية الشرطة.. وقام وياهم حمدان مسك عهود من أيدها الثانية . سيف ولد عمهم سعيد // بخبرج عهود والريم بدال ما تسون جية فلن شعوركن ونحن بنيول وأنتن نعشن. عهود // أوكية فكره وتغمز بطرف عينها حق سيف راشد // ها اللي ناقص .. يا الله بنسير البيت قومي خليفة // حشى وكلا تسيرون ونحن مزهبين العشاء راشد// لا والله أنا اليوم متواعد ويا ربيعي في دبي خليفة // أنته مرخوص بس عهود لا عهود // ههههه راشد // عهود ردي ويا خالد وحمدان البيت أوكيه عهود // أن شاء الله ويدشون الشبيبة عقب صلاة العشاء ميلس قوم سلطان وتعشوى .. والحريم مثل وعقب العشاء قامن البنات يتمشن برى . أم راشد // عهود أميه فديتج ما بتسيرين البيت ويايه عهود // أميه بمشي ويا البنات وعقب بنسير .. زين أنتي منوة بيوديج أم راشد// راشد عهود // راشد سرى دبي أم راشد // عيل خالد عهود // أوكيه وروحن مريم وشيخة ونوره وعهود وفاطمة أخت نورة وبعد حصة بنت سلامة خالت مريم وشيخة وكم بنيه بعد. فاطمة // شيخة شوه وياج الجامعة شيخة// مستجدة بعدني عقب سنة تخبريني عهود // حرب أنزين هي إلا جامعة نوره // وأنتي شوه دراج أبها بعد مريم // ماتدرين ليش عهود ما درست في الجامعة نوره// علشان راشد مب طايع مريم // ما أدري على شوه بيعطونج شهادة بكالوريوس نوره // عيل علشان شوه أن شاء الله مريم// يوم سارت تأخذ شهادة الثانوية العامة قالولها مب لازم تعبين عمرج على شهادة البكالوريوس هذي تنفع شهادة دكتوراه نوره // هههه بايخة مريم // ماحد غيرج بايخ الساع عهود // حصه تشوفين اليازية بنت الظاهري حصه // هي ليش ؟ عهود // بغيت أتخبرج جنها غيرة رقم تيلفونها لاني دوم أدق إلها ويعطيني مغلق وتيلفون البيت ماحد يرد عليه حصه // هي غيرته عهود // عطيني اياه مريم // عهود دوج تيلفوني خزني فية حصه // ليش ما عندج تيلفون عهود نوره // لا بعدها ما تطورت عهود //لا وأنتى الصاجة بعدني ما تبطرت وبعدين أنتى لا ترمسيني أوكية مريم // عهود قومي فديتج بنرد وياج البيت نوره // أف أريح شيخة // نوروه تراج زوتيها شوه بلاج على البنت نوره // هي اللي تكبر السوالف أنا ما قالت شي غلط .. ولا علشان أهلها ما سولها تيلفون تحرج علينا نحن. حصه // شيخة دوج الرقم عطيه عهود أنا بسير عهود ردت ويا مريم حق بيت سلطان عمها وهي تصيح قهر من نوره مريم // عهود ما يسوى تصحين ها الضبعة اللي ما تخيل عهود // تخسي الخايسة أصيحها مريم // عيل شوه تصحين بتخبرج عهود // أصيح من القهر مريم // سكتي هذا خلوف يسير صوبنا عهود // شوه بيسوي يعني مريم // خلوف يموت لو يشوفج زعلانة خليفة// عهود خالد وحمدان روحوا البيت دوروج وما حصلوج وعقب جان تطلع عمتيه ووصتني عليج أوصلج البيت عقب ما تردين. عهود // طال عمرك ما تقصر خليفة // متى بتردين البيت عهود // أستريح بدق حق راشد يطوف عليه عقب ما يرد من دبي خليفة // على راحج وأن بقيتي أوديج أنا زاهب وعقب رد خليفة الفله عهود // مريم أقولج الحين خليفة بيخطب نوره مريم // فال الله طيب عن فالج .. منوه قال عهود // سمعت أنها تحبه وذك اليوم فاطمة تخبرني أن نوره أختها محيره حق خليفة مريم // تغارين علية عهود // لا قصدج تخافين علية من الضبعة مريم // عهود أنتي ما تعرفين أن خليفة يحبج أنتي ويبقيج أنتي عهود // يحبني على أي أساس مريم // على أساس انج بنت عمه وزوجة المستقبل عهود // أصلاً اللي يربطني في خليفة أكثر وأكبر من جية أحسه مثل أخوية راشد وأكثر بعد مريم // منوه تبقين عيل حد في بالج غير أخويه عهود // شوه ها الخرابيط وبعدين لو أحط حد في بالي بقولج لا تخافين مريم // الله يعينك يا خلوف أمي تبقي تيوزه بنت خالتي وهو يبقيج وعمتي صبحوه وبناتها يقولن أنه محير الضبعة عندهن عهود // وحليلك يا خليفة مريم // أقولج شحاله أبوج و...... قصدي متى بيون من لبنان عهود // هههههه الريم جنج نسيتي أن مانع مسافر ويا أبويه مريم // أوه صدق عهود // خلي عنج البياخة .. أبويه بخير ومانع يسلم عليج واااااااااااااااايد مريم // صدق والله عهود // ههههههههههه مريم // بس عاد .. متى بيون عهود // والله ما أدريبهم هم يدقون عند رشود مانع أخو عهود أصغر من راشد خلص الثانوية وأشتغل ويا أبوه في الشركة .. مانع ومريم يحبون بعض من يوم هم صغار ومحيرين لبعض بعد كل واحد منهم يحب الثاني أكثر ويكابرون في بعض .. عهود // الريم عطيني تيلفونج بدق حق راشد مريم // فالج طيب عهود // أقول الريم يعرف راشد رقمج مريم // ليش؟ عهود // إذا ما يعرفه بنسوي وياه مغلب مريم // لا ما يعرفه وبعدين لا تبلشيني ويا راشد عهود // ما عليج سمعي أنتي وبس |
يسلمووووووو ع القصة |
تسلمين ع القصهـ:) ومجهود تشكرين عليهـ الشيخهـ ربي يعطيج بلاااااااين العواافي ولاتحرمينا من كل يديد ومميز من صووبج ولاتحرمينا ذووقج الغاوي ولي الشرف اني اكووووووون متواجد بين صفحااااااااااتج^^ ظب ظب |
مشكــــــــووره ع القصــهـ.. ونتــــريـا يديدجـ .. |
| الساعة الآن 03:52 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir