منتدى استراحات زايد - تقدير واعجاب واقتراح وقصتي مع الصيد في موضوع واحد هههههه

سلام عليكم
كل عام وانتم بخير
وانا عضو جديد في المنتدى وجديد في عملية الصيد

طبعا كوني من ساكني المناطق الجبيله مالنا علاقه في الصيد البحري
بس الانسان عندما يحب ان يجدد في ثقافته يجب ان يسلك مجال مختلفه عن روتين حياته

ام الفلسفه ما اطول عليكم
بختصار
اعجبني المنتدى وانا اشتريت مكينه وقصبه وحركات ادوات صيد بحري
بس كان انتقائي لها فقط على حسب الشكل ولاسعر يعني والله اغلب الي اخذته معرف وش له
بس الهندي ماقصر نقاء لي مجموعه تشكيله اخذ مني مبلغ حلو

مالكم في الطويله بديت الصيد وكان عندي امل اصيد قرش مره وحده
ههههه بس الله لطف ولا كان اكلني
قمت صدت سمك اطول وحده قد اصباعي
اتاري الهندي الي عطاني المشابك مدري وش اسمه الي نحط الطعم فيه كان يحب السمك الصغار
وقاعد اصيد بعجينه على حسب كلام الهندي وسناره اصغر مقاس المشكله السناره فخمه والطعم يضحك
واخيرا بغيت ارمي السناره في البحر ولكن لطف الله
بعد ان حطيت طعم على كيفيكم حبار صدت اول سمكه كبيره في حياتي
طلعت (( خنزيره)) صح فرحت لمن شفتها لان اهم شي عندي اني صدت
بس التحطيم اني عرفت ان هذي خنزيره ومحد ياكلها

وبعد كم يوم من التجارب الفاشله وجدت اني بديت اعرف اربط السناره
وبديت اعرف اركب الطعم وبديت اعلم الي يجلسون جنبي ههههههههه مسوي معلم

الان تطورت 00 كثر منها ؟؟ صرت اصيد سمك نسميه عندنا شعور بس يعني مو ذيك الكميه ولا هو ذاك الحجم

طبعا الحين زهقتو من كثر البربره تقولن هذا متى بيخلص قصة حياته

الشاهد من الكلام هذا

1- يجب ان يكون هناك سقالات خاصه للصيادين في كل مدينه ساحليه
وهذا ما نفتقده في سواحل المنطقه الجنوبيه من البرك الين جيزان
2- يجب ان يكون هناك قروب خاص بكل منطقه
لتبادل الخبرات ويتعرفو على بعض ويكون هناك نقل خبرات
واتمنى من ادارة المنتدى تاخذ بهل اقتراح عين الاعتبار سواء بنشاء منتديات فرعيه لكل منطقه
او تثبيت مواضيع تخص كل منطقه
3- اصحاب الخبره اتمنى يكون لهم باع في الارشاد خاصه بانواع الطعم ومناطق الصيد المفضله

اخيرا ما اتمنى معرفته حاليا هو التعرف على شخص له خبره صيد يكون في المنطقه الجنوبيه
من ابها او من الساحل الجنوبي البرك القحمه الحريضه الشقيق الدرب

ابي اتعرف
هذا واشكر كل من اسهم في طرح مواضيع نستفيد منها وتقبلو خالص تقديري
اخوكم ابو فيصل