|
روــآية { الأقــآرب عقــآرب } .. بقلمـــي ! الــسلام عليكم ورحمة الله وبركــآته يسرني اني احط لك اول روآية أنا اكتبها ** واتمنى انها تنال اعجــآبكم ** بعنوآآن ... الاقارب عقارب .. وتفضلوآ أول بـــآرت ..!! البارت الاول .. ’’ أضحك ولحن الحزن بالصدر معزووف * ودمعي حبسته لا يبين انهياري ’’ نادتها الفاحصه وهي بقمة خوفها ..طالعت في عيون الموجودين وسارت بكل بخوف باتجاه الفاحصة وبكل خوف وهي تبلع ريقها .. ’’ لا تقولين رسبتيني ’’ الفاحصة ...’’ الميث شو رايج باللي سويتيه في الـــ parking ’’ الميث ..’’ يعني رسبتيني ’’ !! وبكل خيبة أمل ..’’ وأنا كلي أمل أخذ الليسن اليوم ’’..!! الفاحصة بخبث ..’’ مايخصني يوم انتي مب مركزة .. أنا شو أسوي مثلآ ..!!؟ خبريني ؟؟؟ ’’ طالعتها الميث بنص عين * وخذت ورقة طبع عليها كلمة راسب وظهرت ... وهي ماشية بالممر تسب وتلعب وتتحلطم .* رن موبايلها رنة المسج .. الميث بتأفف... ’’ ان طلع هو ومع تقريره وبحثه مابسوي له هالتقرير ’’ وفتحت .. كان مضمون الرساله ..’’ هلا وغلا .. أشحالج ..؟ اممم ممكن طلب ..؟..’’ الميث ... ’’ اففففففففف .. أنا دارية شو هالطلب ...’’ وردت ..’’ أمرني ’’.. انتظرت دقايق ووصلها مسج ثآني منه .. ’’ بغيت بحث عن اللغه العربيه .. وفيه ............. وفيه ........... ولازم المقدمه والموضوع والخاتمه ..’’ تنرفزت الميث الميث بنفسها ..اففففففف انا الغبيه اللي قايلته اني اسوي بحوث .. وردت عليه ..’’ أسفه مالي خلق اليوم * دور غيري ’’ ... دقايق والا واصلها مسج ثالث ...’’ مشكورة * يابنت الاصول ..’’ الميث .. ودي أرد عليه بس مالي خلقه * بروحها هالفاحصه مرسبتني أفففففف ونزلت دمعه من عينها .. بس تداركت انها في مركز لتعليم السواقه ومسحت دمعتها بسرعه وراحت في طريقها .. |
في مكان ثاني .. في مدرسة الثانوية بالذات مدرسة البنات وفي فصل من الفصول الثانوية العامة قسم الادبي .. الدانه ..بعصبية ’’ هاي يسمونها أبلة * عنبو ليش منقصتني .. ليش هالكره كله لييييييييييييييييش ؟؟؟ فطووم ربيعتها ...’’ ماعليه دانوه * الا درجات * اففف لهدرجة انتي مصرية ..؟؟؟ ’’ الدانه .. ’’ مصرية * هندية * سيلانية * مايهم .... هاي كلت حقي ولازم آخذ حقي بيدي ..’’ سلامة ربيعتها ..’’’ ههههههههههههههههههههههههههههههههههههههههههههه ..هههه ..هههههههههههآآآي ’’ الدانة ولفت صوب سلامة ..’’ يالله خذوا .. انتي ليش تضحكين ... انتي تتحرين هذا وقت ضحك ..’’ سلامه ..’’ هههههههههههههه .. لا بس * دانوه أعصابج عن تتلف .. فديتج والله .. بس ماله داعي هذا كله ’’ دانوه ..’’ لا والله طبعا انتي مستانسة ** درجاتج اعلى عن درجاتي ... تخيلي ياسلاموه ...بشروه الكسلانه يايبه درجات اعلى عني مو قهررررر سلامة ..’’ والله كلن ومجهوده ’’ وتغمز لفطوم ...’’ والا انا غلطانه يافطوم ؟’’ فطوم اللي سرحانه ... هااااا ... ايه صح ..* لا ..... انتي مو غلطانه الدانه ...’’ يالله خذ * قال ممن شاهدك يابو الحصين قال ذيلي ..’’ سلامة ..’’ ههههههههههه ..دانوه انتي خطيرة ومع امثالج العجيبة الدانه ...’’ آآآآآآآآآآآآه ... شووو مسلني معاكم انا طالعه سلامه وهي تاخذ اغراضها وتركض صوبها ..’’ صبري خذيني معاج ..’’ _--------------------------------------------------------------------------------------- نعرفكم على الميث والدانه .. الميث أخت الدانه عايشين في بيت يدتهم ** امهم مطلقه من ابوهم وهم قطريييين الاصل بس عايشين في دبي امهم مواطنة اماراتية أختهم الكبيرة ’’ العنود ’’ ..عمرها 20 سنة ’’ الميث ’’ .. 19 سنة ’’ الدانه ’’ .. 17 سنة ’’ الغلا ’’ .. 11 سنة ’’ خالد ’’ .. 14 سنة ’’ عيسى ’’ .. 7 سنوت وهو اخر العنقود وامهم ’’ عائشة ’’ ------------------------------------------------------------------------------- في الدوام عند العنود اختهم الكبيرة .. يالسة وتكمل شغلها ومعاملاتها اللي ماتخلص ومعاها صديقاتها نورة وبدرية وعليا وعائشة ومنيرة عائشة رئيسة القسم * دخلت على البنات وفي يدها كومة من الاوراق عائشة وهي داخلة ..’’ اسمعووووني بنات هالمعاملات ابيكم تخلصونهاا فياقل من ساعه ’’ العنود بتركيز ..’’ نعم * والله شايفه جدامج الات ولا شو خبريني ..؟ ’’ عائشة بخبث ..’’ لو سمحتي العنود بلا طولة لسان ...انتي في الدوام ولازم تشتغلين واذا انتي مب قد الشغل وهالمعاملات فقدمي استقالتج لو سمحتي ’’ العنود وهي فاتحة عيونها ...’’ بسم الله الرحمن الرحيم ** كلتيني بقشوري ...حبيبتي ارحموا من في الارض يرحمكم من في السماء ’’ نورة..’’ اناعلى قد طاقتي بسوي ’’ * ووجهت نظرتها لعائشة عائشة بعصبية ..’’ والله * والله لاخبر عليكم المدير ** انا تعبت من هالقسم البايخ ..’’ العنود في نفسها .. ( محد البايخ غيرج ) ... طلعت عائشة وصفقت الباب وراها بكل قوتها لدرجة ان مقبض الباب طآاح عالارض * بدرية ...’’’ ويييييه * شو هذا * يالله ** بالله عليكم احنا في دوام والا وين بالضبط ..؟!..’’ منيرة ..’’ هههههههههههههه .. والله انكم تحفة . والله اشكالكم تحفة وانتوا تضاربون .. صدقها بدرية هذا شغل والا شووو ..؟! ’’ عليا اللي مب معاهم في الموضوع ..’’ بليز عن الحشرة أنا ابي أكمل شغلي لو سمحتوآ !! ’’ العنود ناظرتها بنص عين ..’’ كملي شغلج محد منعج وبعدين احنا ماغصبناج ترمسني معانا * والا مب عايبناج عشان ربيعتج عائشة طلعت وهي زعلانه ..؟ عليا ..’’ يالله صباح الخير *واذا خاطبهم الجاهلون قالوا سلاما ..خلني ساكتة أحسن لي ..’’ منيرة ..’’ خلاص بنات كل وحدة على شغلها مانبا نخرب هاليوم الزقرت ..’’ --------------------------------------------------------------------- أم خالد .. ’’ خالد .. خلوووووووووود .. قوووم ..بسسسسسسك رقااااااااااااااااد .. خالد ..’’ امممممم ..’’ ام خالد ..’’ قوووم * ليش حظرتك غايب اليوم ؟ ’’’ خالد وهو يفتح عيونه ..’’ يمه مافي دراسة اليوم * واليوم يوم مفتوح ..’’ ام خالد ..’’ لا والله * علي هالحركات * انت ماقلت لي ان اليوم المفتوح كان الاسبوع اللي فات ؟ ’’ خالد وهو يرقعها ..’’ هيه يمه ** ترىى سووا مرة ثانية عشان يكرمون الطلاب الشطار ’’ ام خالد ..’’ يييااااااااااحظي ..* وانت ليش ماتصير واحد منهم ؟ خالد ..’’’ يمه تعرفين ولدج ببعد مايحتاي اشرح لجج .. الرياضيات وبالزور نجح فيه .. عصبت ام خالد وطلعت وطرررررررررررااااااخ ^ ^ صوت صكة الباب خالد ..’’ بل طلعت وسكرت الباب * خلني اكمل رقادي أحست هههههههههههههه عارفة حركاتي ..’’ --------------------------------------------------- وهي في طريقها للبيت سمعت رنة المسج .. الميث ..’’ اففففففف .. أكيد هووو * وهو اصلا مايفكر يغثني الا يوم اكون متضايجة ’’ فتحت المسج وكان .. ’’ دقات ( قلبي ) بالمحبة تناديك / وتقول : ماعاش ’’ قلبي ’’ اذا كان ناسيك ~ ( مشتاقلج ) الميث ..’’ مساعه كان يبي بحث * والحين مشتاق لي ...اممممم خلني ادق عليه .. وفعلا دقت عليه ..ترررن * تررررن سهيل وهو يالس مع ربعه في المدرسة ..’’ أففففف هاي شو تبا ..؟! سهيل ..’’ ألو ** الميث ..’’ هلا سهيل ..؟** سهيل ..’’ هلا والله .. أقولج الحين انا مع ربعي اتصلي بعدين يوم ارد البيت ’’ الميث ..’’ يوم انك مع ربعك ليش اطرش لي هالمسج .. انت حيرتني معاك.. شو تبا مني بالضبط ..؟ سهيل ..’’ والله اني في المدرسة ومع ربعي .. الميث .. في المدرسة ؟؟؟ سهيل ..’’ هيه .. في المدرسة ..احنا الشباب عادي عندنا يخلونا نشل موبايللاتنا الميث ..’’ انزين انت ماحسيت من نبرة صوتي اني مضايجة ؟ سهيل ...’ والله حسيت * بس ناابي ابين لج .. اوك ميمي يوم ارد البيت خبريني شوفيج اوك . الميث وزعلت ..’’ ماااااابي .. مااحبك ..اففففف ***باااااي * وسكرت الفون بويهه نهاية البارت االاول توقعاتكم .. منو يكون سهيل اللي الميث رمسته بالفون ..؟ وشو علاقة عليا بالعنود .. وليش عليا ماتفاعلت مع البنات ؟ سهيل هل فعلا يحب الميث ..؟ |
| الساعة الآن 12:21 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir