|
وادي الرمه على مشارف نفود محيوه غرب الرس 12/12/143ومغامرة الشيخ جمال(مريوس قدام) السلام عليكم ورحمة الله وبركاته اليوم بعد الظهرثالث ايام عيد الاضحى لعام 1430 كانت لنا زرقه الى نفود محيوه(غرب الرس 50كم تقريبا) لتتبع وصول الوادي الى ذلك المكان الساحر نفود محيوه وهو اجمل مكان واطلاله على وادي الرمه . ما ان وصلنا لم نجده قد وصل فعزمنا على الإلتفاف حول النفود والإتجاه غربا فكنا اول المستقبلين له وظهر ذلك جليا على ابو عبدالله (الشيخ جمال)حفظه الله ورعاه فكان لقاؤه بالوادي غير فكيف كان ذلك اللقاء الغريب:looney::D اليكم الصور بداية بعده عن ضلع محيوه جريان متوسط بطن الوادي فقط هنا بدأت الشكوك تراودني حول نية الشيخ جمال حيث انه انفرد وابتعد يفكر :confused: هذا الشيخ جمال ابو عبدالله واقف عند رقبة الوادي والمسبحه ما شاء الله بس في شي غريب وش قصة هالكيس الي بيده معقوله يبي يعبيه ماء :mad: هنا جلس وانفرد يفكر ويهوجس ذيبان :( فل الحجاج وخل عنك الهواجيس ***كم واحد مات وحاجته ما قضاها وفي غفلة منا بان المستور الرجال كان ناوي اننا نبتعد عنه ويخلع ويطب والكيس الي معه يبي.......ههههههههه الرجال ما صدق بأقرب نقطه وصاروخ بالماء .... لكن وين وين وين الرجال يوم طب اختفى كانت حفره هههههههههه ما تشوف الا راسه وعاض اللسان لكن بعدين الرجال اسفهل واستانس وقام يخطب وهو قاعد بالوادي فرفع الأيدي يدعو حمدا لله وشكر على نعمة الأمطار والسيول وعسى الله يطرح فيها الخير والبركه ودعا لأعضاء مكشات بالخير فذكر انكم يالمكشاتيه اعلومكم دايما غانمه وتوسع الصدر وانا من المتابعين لكم ولاتزعلون بعضكم وعسى الله يرحم اموات اهل جده الي غرقواويجبر كسر المصابين منهم فعسى ان تكرهوا شيئا وهو خير لكم ومع مرور الوقت تقدم الوادي ونقطة وصوله هي وهذه جلسة مسيان مع الشيخ جمال وجلاد الصحراء المغامر الدولي في نفود الميسريه غرب محيوه ويلاحظ وادي الرمه بالخلف في الختام ارجو ان اكون قدمت موضوعا عن اخر نقطة وصول وادي الرمه حتى مغرب هذا اليوم الإثنين ثالث ايام عيد الأضحى المبارك لعام 1430 تحيتي للجميع مريوس قدام (ابومحمد) |
| الساعة الآن 02:48 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir