منتدى استراحات زايد - نصيحة هامة ..... للي بيشتري سيارة من صالة (استعما امريكي)

السلام عليكم ورحمة الله وبركاته
كثير ما اقرا في المنتدى ردود او مواضيع بعض الأخوان وخصوصا في خيمة الأعطال او رابطات ملاك السيارات عبارات تنم عن استياء من تجربة شراء سيارة استعمال امريكي وما تلبث ان تظهر فيها اعطال على اختلاف موديلاتها وممشاها وفئاتها والمشكلة قد تكون من العيار الثقيييييل * مكينة * جير * دفرنشات * الخ ...
يا اخوان ترى اكثر من 70% من السيارات المستعملة المستوردة هي عبارة عن مبيعات اساطيل لشركات خدمية او امنية او مبيعات لبعض شركات التأمين الي عوضت اصحابها بسيارات جديدة او مبالغ مادية لأن الشركات هناك تقيم نسبة التلف الي نشوفه (دقشة في الرفرف) هم يوصلون نسبة التلف الى 30 او 40 % ..... وهكذا .
بالأضافة الى تعرض كثير من السيارات المستوردة الى كوارث طبيعية ... فيضانات . اعاصير. وغيرها .....
في هذه الحالة اكيد المكينة بتتوضب او الجير او الدفرنش بعضها او جميعها ....
وفيه شركات تبيع المكاين الموضبة وبقية اجزاء السيارة وياكثرها عند الخواجات
ولهم مواقع على النت يبيعون مكاين برخص التراب ..... وقس على هذا
يعني تجيك السيارة مجمعة من كل حدب وصوب .... واذا كان ولا بد فقبل ما تشتري اطلب الكار فاكس ريبورت عن طريق النت بعد ما تاخذ رقم الشاسي للسيارة الي تبي تشتريها ... فهذي الطريقة تحد كثير من تلاعب بعض الي ما يخافون الله ويبيعون (السكراب) على عباد الله
انا لي مدة ادور سيارة وانا في الشرقية ماتتخيلون يا اخوان ان الصالات الي تجيب سيارات نظيفة معدودة على اصابع اليد الواحدة وتجد عندهم نسبة لا بأس بها من السيارات الي تقدر تصنفها من ضمن السيارات (الصالحة للأستعمال الآدمي)
وباقي الصالات والمعارض ما افحص سيارة الا والاقي المكينة مفكوكة او الجير او طاقها الحلى *** حبيت بس انبه الأخوان الي يغترو في المواصفات والفتحة ...* وووووو ... الخ

اتمنى اتخاذ الحيطة والحذر والله يوفق الجميع لكل خير