|
هل الشباب المدخنين يظنون انهم مزاين في عين البنات هل الشباب المدخنين يظنون انهم مزاين في عين البنات ! السلام عليكم ........ اليوم بطلع الي بقلبي طبعن مجتمعنا انقسم لنصين المؤيد للتدخين وهذي النسبه القليله والرافض للتدخين وهذي النسبه الكبيره ورغم اضرار التدخين ....... شباب اليوم ....... يعتبرونه نوع من الزينه والبعض أدمن عليه شرات المخدرات تحصلك في كم مول شباب في سن 14- 15- 16 -17 وحتا في سن الرشد حطين في ايدهم زجاره ومسوين فيها ستايل عشان يعجبون البنات و لاكن للأسف 90% يا شباب من البنات رافضين للتدخين ويردون بنظره حقيره (سؤالي اليوم شو يستفيدون الشباب من منظرهم بزجاير ؟؟؟؟؟؟؟؟؟) (وشو نظرة كل بنت للمدخن ؟؟؟؟؟؟؟؟) :خ9: |
[glint]السلام عليكم ورحمة الله وبركاته انا عن نفسي يوم اشوف واحد يدخن اقول الله يعينه بالبلى الي في ايده واسموحه ع الكلمه الي بقولها احسه مب نظيف واعتقد انها الاغلبيه ودهم انهم يودرونها ومب راضين عن ها اسم الي ياخذونه تسلمين ع الموضوع المميز[/glint] |
والله طال عمرج اشكرج ع هالموضوع طبعن الحمد الله انا ماادخن من صغري لين الحين عمري 19 والحمد الله ماحطيت سقاير في حلجي رغم انه ربعي يدخنون بس عمري ماقلت عطني سقاير لاني اخذتها عبره من خالي ربي يرحمه ويغفر له يارب خالي الله يرحمه مات بسبب سقاير كان يدوخ مايرحم نفسه لين ماربي شله برحمته والله ماادري شو اقولج ابا اعرف شي واحد شو يستفيدو من دخان شو قصدهم به يعني تعالو شوفوني انا ادخن استويت ريال الدخان بنسبه لهم مرجله يعني والله مب فاهم قصدهم شو ليش يعني تعور صدرك عسبت دخان السقاير بتروح وبتيي اما صحتك اذا راحت مستحيل تردها ليش يعني تقتل روحه عسبت لفت انتباه مااقدر اقول غير الله يهديهم ماقصرتي اختي ع الطرح الطيب منج ولمهم لج تقييمي بكل جداره |
اولا مشكووورة غلاي ع طرحج الطيب اللي يستاهل الرد عليه.. لنه هالظاهرة منتشرة بزووود فمجتمعنا.. وانا بنظري .. فهذا الزمن الشباب يعتبروون اللي يدووخ هو الريال.. واللي مايدوخ هب رياال.. وهذا كله يبون يجذبون النبات صوبهم ليش كل هذا انزين.. ولو تبا تجذب الناس لازم تبين للناس انك انت تخاف ع صحتك ومايهمك الآخرين.. هذا الشي اللي الواحد يفكر يجذب الناس عليه.. بس للاسف مايفكرووون شبابنا صح.. (الله يهديهم يااارب) وانا الصراحة من اشوف الشباب يدوخون حتى لو كان كبير او صغير اضايج واقول وين اهاليهم عنهم ليش ماينصحونهم ويخافوون عليهم.. ومااحب الشاب اللي يدووخ اولا لنه من ماقالت اختي والسمووحة عالكلمة انهم هب نظاف.. ودمهم كله ملوث... الله يهديهم يااارب ويهدي اليميع.. والسمووحة .. |
مشكورية على الموضوع الحلو و الله برايي انا ما اايد الدخان بس شو اسوي اذا الي حوالي كلهم مدمنين جقاير .... إلخ عاد مش بس ادمان الا اخس عنه ما يقدرون يتمون دقايق بدونة على قولة خالي (( في حد يرضا انك تبوسة عقب ادوسة ..... لا محد اكيد إلا هذي الجقارة يحليلها راضية )) عاد انتوا علقوا شو تبونا نقول في هذي الحالة هم مقتنعين بها و ما يرومون يودرونها لو شو ما استوى عاد نحن ما نقول غير الله يهديهم و ثااااااااانكس على الموضوع الرائع ^_^ |
| الساعة الآن 10:10 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir