|
سمك\دجاج\رز مندي + كاري سمك أخواني الكرام السلام عليكم في البدايه ما كان التصوير وإنزاله بالمنتدى على بالي الى بعد ما جهزناه للأكل قلت العوض ولا القطيعه ننزل لأخواني لو الصور اما الخطوات والله شغله عشان 3 اصناف ومستعجل على فكره المقادير تأليف مني لاني من راعين الابتكارات بالطبخ السمكه المندي بصل 4 كبيره + 6 فصوص ثوم + زيت زيتون فنجال صغير + ملح + بهارات مشكله + فلفل اسود +كمون + فلفل حار مطحون ملعقه صغيره + 2 مكعب ماجي + معجون طماط + نص كاس مويه + حبه ليمون مقشره واجلد بالخلاط جلد ما يرحم اما الطماط للتزيين عند إدخاله الفرن الدجاج المندي يتبل بنفس الخلطه الي فوق ويذر عليه زياده ملح بس كاري سمك الكنعد المكونات : سمك كنعد نخلطه بالخلطه المذكورة اعلاه ونحطه الصينيه ذريت ( رشيت ) عليهن بهارات هنديه مشكله مع ملح وكزبره مطحونه وفلفل حار وبيالة لبن على ما اعتقد منتهي تاريخه. الدجاج مع الرز المندي رز مزه منقع نص ساعه تقريبا نحمس البصل والثوم مع الزيت الين يسود شوي معجون طماط وبهارات مشكله نحط الماء الحار اذا بدا يقلب نكب الرز واذا قلب نذوق ملحه ونظبطه وللفرن سيده الي مولعينه الين دااااخ آمل أن تنال الاعجاب واعذروني على القصور |
| الساعة الآن 08:16 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir