منتدى استراحات زايد - سرقة حليب البل حرام وعيب

اخواني السلام عليكم ورحمة الله وبركاته
يقول لي واحد راعي اباعر ترعى في جبال مكه يقول احيان مااجي للبل الا متاخر نتيجة ظروف ويوم اجي
يقول لي الراعي جو اربعه وطلبوا مني اني احلب لهم* وكنت متوقع بعد ماتاخر الوقت انك مانت بجاي وحلبت لهم ،وهالحين مافيه شي اشربو الاربعه وحملواالباقي في اكياس.ماخلو لراعي الحلال شئ
يقول قلت له لاتعطيهم وقل عمي يجي يشرب منهاولو جوك اتصل على يقول وانا مخصص شي سبيل لوجه الله لاني مابيعه
بس اطلب من الراعي يخلي لي اجي اشرب منها انا وعيالي واحيان انا وخوياي
المهم يقول وهم يجون مرة ثانيه عند الراعي احلب لنا يارجال عمك سامح لنا، يقول وابتلش فيهم الراعي و يخلونه يحلب لهم* والمره الي بعدها جو عشرين.
راحوا مايستحون على وجيهم يشربون بلاش ويشيلون الباقي في اكياس واسطول مستقوين على الحارس
وصرت اعرف الاوقات الي يجون فيها واقعد عندها واذا شافوني رجعوا لكنهم بصراحه اشغلوني الله لايحلهم عندي اشغال واعمال ويوم ابي عند البل ابي اشرب مالقى شي.
واحيان يجون بعد الظهر وانا في عملي

....

وانا اقول والله انه عيب على الرجال الي تشرب بدون استاذان هم مايعرفون عرف وتقاليد

مايعرفون الخوف من الله ،اجل حلال الرجال ماتدفعون فيه لاكثير ولا قليل وتجون تشربون وتحملون بالسطول الباقي ماتخلون له شي.

يالله انك تغنينا بحلالك عن حرامك، ترى اذا ماهو محلل لكم فانتم تشربون حرام استغفرالله العظيم من عدم الخوف من عقاب الله
وبعدين ا نتم رجال مادام تحبون تشربون حليب البل اشتروا ماكثر الله من البل واحتلبوا وابعدو عن الحرام ودعوات المسلمين ترى مايجوز الحرام.
والله من قلة الحياء بس