أفضل وأحلى لون للساتيو .. تفضل وشارك
 

اخواني الاعزاء
بتمنى الجميع يشارك في هذا الموضوع سواء اللي معهم جهاز الساتيو او مقبلين على الشراء
واللي معهم الجهاز يذكروا بمشاركتهم انهم بملكوا الجهاز وباللون وشو سبب اختيارهم لهذا اللون
وليش ما اختاروا الالوان الثانية اما اذا الجهاز اجاهم هدية يقولوا ايش رأيهم باللون ولو هم بدهم
يختاروا ايش كان ممكن اختاروا وشو السبب ..

بالنسبة الي :
انا بحب اللون الاسود لاني بلاقيه لون راكز ورسمي وناوي عليه اول ما ينزل الجهاز عنا ..
مع اني لسه محتار لانه فيه كثير من اللي اشتروا الجهاز فضلوا اللون الخمري او الاحمر الداكن
وحتى خوفوني من شراء اللون الاسود لانهم بقولو انه الايدين بتعلم عليه او بتطبع عليه
هل هذا الشيء صحيح ؟ ومعقول شركة سوني مش منتبهة لهذا الاشي وهل هي ما تعتبره
عيب بهذا اللون ؟ وهل فعلا اللون الاسود مصنوع من بلاستيك بعكس الالوان الثانيه ؟؟
وكمان شغله بالنسبة للون الاسود انه مش ملفت لانتباه بعض الناس وبقصد هون
السراقين :) ، فالسراق لما يشوف عن بعد جهاز لونه ملفت للانتباه راح يفكر انه جديد
وراح يحاول بأي طريقه انه يسرقه :)
بصراحة اللون الخمري بحسو بناتي ومش لابق او مش راكز لواحد شاب ، مع انه الوالد
عنده نوكيا بنطوي لونه خمري :) بس كل ما اطلع فيه بحكيلو غيرو وجيب اسود احسنلك :)
اما بالنسبة للون الفضي ، بحب هذا اللون بس بصراحة ما بلاقيه حلو للموبايلات
يعني لسيارة او حتى لاجهزة مثل تلفزيون ، كمبيوتر ، كاميرا فيديو ..الخ
اما لموبايل مش ملاقيه راح يكون حلو ومش متوقع على الساتيو بالذات يطلع حلو
يعني يمكن لو جهاز ثاني غير الساتيو يطلع اللون الفضي عليه حلو ..

طبعا هذا رأيي وبانتظار ارائكم جميعا واذا فيه تعليق على رأيي فانا بتقبله بكل روح رياضيه
لاني بحب استمع لاراء الجميع وبكل احترام ..

تحياتي