~
.
.~ جريدة الصباح ~.
http://www.ebuae.net/up/uploads/imag...78b4398a92.bmp

~ جريـــــــدة ~
في كل صباح .. تحمل العالم يديني
أخبار .. مآسي .. حروب
أقرأها في طي الجريدة
قهوتي سكر زيادة
والجريدة .. أخبارها سادة

http://www.ebuae.net/up/uploads/imag...e7c8dcb68f.bmp

في الزاوية آخر خبر ..
واحد في الانعاش ..والثاني انتحر ..!
وجنبه إعلان :
الليلة حفلة يحييها فنان !!
وفوقهم مجرم على كتفه حمامة ..
قالوا: ذا " صانع سلام "

http://www.ebuae.net/up/uploads/imag...18b43c8b0b.bmp

بعدها بصفحات .. صورة مدينة
و مباني حـــزينة ..
وحشية و دمار ..
ياحلوها الأخبار ..!!
قهوتي سكرها زيادة ..
والجريدة أخبارها سادة ..

http://www.ebuae.net/up/uploads/imag...81011de2f6.bmp

إعلان : ضاعت كلبة فلان .. واللي يلقاها له جائزة مليون
إعلان : ملايين البشر من جوعهم يشكون .. !
حادث: في تمــام الساعة الفاجعة من منتصف الويل .. حادث اغتصاب .. طفلة يعتدي على عرضها شاب ..
و القهر .. ماتعدت من عمرها الأعوام ..
و الحكم .. عشرين عام.. وبالتمــام ..
بين قوسين.." كلها سنتين وياخذ افراج"
حسن سيرة و سلوك ..!
قهوتي سكر زيادة ..
و الجريدة .. أخبارها سادة ..

http://www.ebuae.net/up/uploads/imag...083e1f59bd.bmp

وبعدها صفحة ملونة ..
وحدة قرعة .. ماتدري ليش ..
كأنها واحد داخل الجيش ..
و الثانية شتان .. شعرها واقف طويل ..
تحسب أنه مهرجان ..
و فوضة مابعدها فوضة ..
ولما تمعنت و قريت .. عرفت أنها الموضة ..

http://www.ebuae.net/up/uploads/imag...8aecfc7c4f.bmp

أبراج .. قلت أنا بقرأ الأبراج
يمكن ألقى لي خبر .. يطيب الخاطر ويعدل لي المزاج
الحوت : أنت مريض و جايز تموت ..
كذبت احساسي .. وقلت في نفسي ..
أكيد أنا ناسي ... مو هذا برجي ..
أكيد ذا برج العدو .. قلت أنا بقرأ " الدلو "
قهوتي سكر زيادة .. والجريدة .. أخبارها سادة ..
.................
طبقت الجريدة مثل ماكانت .. وقعدت أدور ..
وين الذي باعها وين ؟!
ولما لقيته ... رجعت الجريدة
وأخذت [ الدرهمين ^_^ ] !!

ممآ رآق لي