ولا الحر الا من قوت به يمينه .. ولا يمشي الا من صحاحٍ قوايمه
 

*يقول الفهيم المايديّ الذي بنا .. علام النيا ما ينّجا من جرايمه* *والايام لو صافيتها ما وكد لك .. ماضي ولا حلو الليالي بدايمه* *أنا احسب اني عندها وثر مالها .. اتفاق وهي ثرها على الحرب قايمه* *تيهّلت ما ظنيت فيها عداوه .. باسباب نفر ٍ عقب ماكان دايمه* *ودنياك من هو في هواها فلانجا .. من اسباب حال من وراها تزايمه* *من اربعٍ يحتا من الشيب والحنا .. وثابت حساب ٍ ما تخفّي كتايمه* *وفقر ٍ على الانسان لامن نوايبه .. يخاف تمسي جايعات ٍ حرايمه* *عيالٍ تبا منه اليواز ومن لفى .. من الضيف الا زاهباتٍ ولايمه* *يجوز بادنى الدون في مجد بيته .. وان ضاف حدٍ حط في الزاد لايمه* *سموعٍ الا نادى المنادي لوليمه .. وهو ما تخمّد جايعٍ من ولايمه* *هدانٍ يغالي في دفا رقدة الضحى .. وينام لي عاد الاياويد شايمه* *وريت اعتزام الرجل قوله إلى مضى .. وريت احتيار المأيدنّي وجايمه* *وريت ساعي الحرب يلقى نقيمه .. ويسارك اعقول الملا في نقايمه* *وريت اغتماد السيف يدني له الحلا .. وريت مشي الترث يدمي رثايمه* *عصى الحرب لو دامت لها بعض ساعه .. فلابد ما يومٍ تخاخا حزايمه* *واوصيك لا تجفي صديجك إلى خطا .. ترى مالك أيام التغاني بدايمه* *ولاتسمع الطرّيد قولٍ وقايل .. نقله بغاضه موشيٍ في علايمه* *يزهّيلك اشيا تنتهي عن ظليمه .. وانتَ بها تلقى الغنى عن ظلايمه* *ولا اطّيع الا راي صايب يدلك .. ولا تشتري المنقاش من عند سايمه* *ولا الحر الا من قوت به يمينه .. ولا يمشي الا من صحاحٍ قوايمه* *هو عطبة البغضا وقرّاعة القضا .. وصلبوخ قرّا وارياتٍ ضرايمه* *وهو عقرب المكوى وهو سابق الدوا .. وثاير وصرّاخ الملا من ضمايمه* *توثق إلك في القيظ بالما عن الظما .. وزادٍ إلا عاد الاياويد شايمه* *وتاخذ من الدنيا تقىً تتقي به .. عن النار مريوح الفتى من قوايمه* *وتلبس إلك درعٍ وترسٍ وطاسه .. على الجنب لا تصلي مواضي خصايمه* *ومن قدّم الميراد للما شفا الضما .. سقى مستريحٍ عافة الما بهايمه* *وان كان ماسوّيت دلوٍ ولا رشا .. جلست على الما مستهينٍ ولايمه* *وربّك غفورٍ وهو رحيمٍ لمن يشا .. له الأمر جبّارٍ قويٍّ عزايمه* *كن منه في خوفٍ ولا تقطع الرجا .. بها عنك يرضى لو توافيك لايمه* *وكن مجتهد في اليوش والرّق سافل .. لي لاث م السنيار قاعي زعايمه* *ولا فوز إلا فوز من واغل الذرى .. إلا هبّ م الارياح ذاري نسايمه* *و يا أيها البيتين راعي مقرّه .. سوى القبر أو قصرٍ تلالا رخايمه* *إلا طاب لي بيت الممات عن الجذا .. فلا همني قصرٍ تلالا رخايمه* *ورانا نغالي في امورٍ وهي لنا .. مع الله متكفل بها في ذمايمه* *بالرزق متكفّل وبالعمر موعد .. بالآجال مامن ناهيٍ عن لزايمه* *نظمت الكم نظم تتوارثَ الملا .. بالاسطار مامن ناهيٍ عن نظايمه* *والاسطار في لصحاف كتبٍ مترجمه .. بالأنظار وانا من فوادي تراجمه* *صلوا على خير البرايا محمد .. عدد مالعى القمري بعالي ركايمه* *المايدي بن ظاهر*

أكثر...