سؤال عن الايكوم والمراسلة
 

السلام عليكم
مساكم الله بالخير
امس اشتريت لي جهاز ايكوم 2200 شبه جديد من احد الاصدقاء، وركبته بالسيارة ورحت للثمامة لجل اجربه وراسلت وراسلت مافيه احد، فيه ناس تسولف لكن ماردو علي كني جالس اتسمع ما اراسل، ويوم رجعت لحي الصحافة راسلت لي واحد في النظيم وواحد في ام الحمام، قلت زين كنت خايف ان الجهاز خربان، على العموم اخوكم غشيم بالايكوم واجهزة المراسلات، وودي لو تعطوني ارشادات عامة، لاني حصلت شرح بالمنتدى للايكوم 2100 واظن مابه فرق بين الجهازين وبتبع شرح الاخوان، بس انا ماعرف الا ان العامة هي 144.000 طيب وش الترددات اللي احصل الناس عليها وهل فيه عامة غير 144، وفي البر هل هناك عامة غير 144، ووشهي الترددات اللي احصل الناس فيها، انا جلست ابحث بين 130 حتى 160 وماحصلت الا كم جهاز. ابي نصايحكم وتوجيهاتكم لاعدمناكم

محبكم ابو ناصر