قصيدة موجهة إلى الأخ الفاضل ( الربذي ) في وفاة ابنه ( أسامة ) على الخاطر ضريم النار حيه=اكيد ان الظنا غالي على ابويه ولكن من لجت فيه المنيه=فلا الاخلا ولا البيطار يشفيه تفوح الكبد فوح الشاذليه=وموق العين يذرف من مقاصيه اسامه ذاق الامرار بمجيه=قضا عمر الشهور بضيقتن فيه عثا فيه المرض صبح وعشيه=تقاسيم البكا بالليل تمسيه بقى الوالد يشيل العاطفيه=يهوجس في صغيره وين يوديه على الاسعاف بالخالق رجيه=ما غير الوالي الرحمن يشفيه ولكن القضا دار برحيه=قصيف الروح يوم استافا ناصيه ترك دنيا البشر للبرزخيه=ابوه اللي تولى شان غاليه توارا عن هوا الدنيا جليه=تحت كوم الثرا ملواذ يخفيه له ايامن قبل عيد الضحيه=اكيد الدود قد فلّت عراويه كثير الدود ياكل من عليه=صغير الدود يرعى في اشافيه عسى يبعث شفيع لوالديه=اليا ماج البشر والله نرجيه بيوم الحشر والعالم جثيه=به الشيطان ما تسري خطاويه به العاصي هوت فيه الخطيه=وراعى الخير ينعم في حسانيه يوسف الخليفة ( أبو عبد الله ) وموضوع العزاء على الرابط التالي |
الساعة الآن 07:42 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir