|
₪ ... حٌ ـرآم مآلي أمل مآدآمه [ آمآلي ] ... وَ ينه ؟ ! ... ₪ ♥♥♥ مـدخـــل .. / http://www.aljnoon.com/vb/uploaded/1...1203035448.gif ما عاد يفرق لو خذاك الوقت أو جابك في الحالتين الموت اقرب لي من ظلالـي إما بموت من الوله لا طـوّل غيابـك والا بموت من الفرح لا شفتك قبالي !! |
بـ أختصآر كُل مآفي هذهـ آلصفحٌ ـه نطق بهآ [ محٌ ـمد ] .. / سـ أتودعكُم هوَ وَ جٌ ـروحهٌ .. http://www.aljnoon.com/vb/uploaded/1...1194959363.gif بينـي وبيـن الشقـا ســلام رديّــه يفتـل جروحـي وانـا انقضهـا بموالـي عيّدبـي الهـم واثـر الـدمـع عيـديّـه ولانـي بذاخـره دام عيـونـي عيـالـي يا عيـن هلّـي دموعـك كـل عصريّـه وان لمتك فيوم قولـي : ( مالـك ومالـي ) محتـاج طـاروق لـه معنـى وقافـيّـه واستبشـري خيـر ! والشعـر يتهيّالـي القـدح مـن فكـري وفالـراس جنيّـه وان حضّرت بـي كتبـت العالـي العالـي ما شلتها عرضـه ! ولا هـي هجينيّـه ! غنّيتهـا مـدري الـطـاروق غنّـالـي بـس الوكـاد إنهـا : قصّـه غرامـيّـه ابطالهـا هـمـي وغـمـي وغربـالـي وان قالـوا النـاس : ذا طبـع الهواويّـه قلت : استوى عنـدي التريـاق والحالـي العشـق بلـوى ونفسـي فيـه مبلـيّـه خلونـي اكتـب وافضفـض لا تفضالـي المسألـه أكبـر مـن احــلام ورديّــه الحـزن لا مـن لفـا جيتـه علـى فالـي حزني واعرفـه واعـرف ابسـط مواريّـه ولاني لحالي كثيـر اللـي عـرف حالـي ! يا وجـد حالـي وجـود اللـي هقاويّـه خانتـه باغلـى رفيـق ولا لقـى والـي وياوجـد حالـي وجـود اللـي بناخيّـه عن عسر حاله وضيقـه دالـه وسالـي !! فـي غيبـة اللـي تـمـادى بالانانـيّـه وخلانـي بوجـه حزنـي واقـف لحالـي يـا موّسـع الضيـق لامـن مـر طاريّـه كن الوسيعه تضيـق ان مـر فـي بالـي !! وين انـت ؟ ياللـي غيابـك مثـر ٍ فيّـه غايب !! واحسك معي !! واشوفك قبالي !! طيفـك ليـا مـر حاجـه لا إراديّــه ! يتبـع سرابـه واجيـه اسابـق ظـلالـي ياللي مـن حروفـك تغـار الرومنسيّـه والله قبـل لا افقـدك فاقـدك جوّالـي !! في ( بحّتك ) شي ؟! يشبه حـزن مرثيّـه !! ومن غاب صوتك وانا اللي صدق يرثالـي وعيونـك السـود إعجـاز وخيالـيّـه نادر شبههـا مثـل مـا تنـدر خصالـي ونظرتـك تهـدم كيانـي بكـل عفويّـه سلهم وشف كيـف يبـدى فـي ّ زلزالـي وعـودك ليـا مـال يـا المتـرف بحنيّـه قمـت اتعـزوى واطـوّح لجلـه عقالـي وقلبـي علـى ظمّتـك يسابـق يـديّـه ويردنـي طيـب ابـوي ومرجلـة خالـي تكفـون يالـلـي تمـرونـه علانـيّـه قولوا له : الموت لامـن غـاب يبرالـي ! وقولوا له : ان غيبتـه مـا هيـب عاديّـه وخلوه يرجـع يشـوف بعينـه احوالـي وقولوا لـه : انـه ذبحنـي لعنبـوا حيّـه ما يرحم الشـوق غالـي ينتظـر غالـي !! وقولوا لـه : ان صـد والصـده نهائيّـه اشوالي آصـد !! لا والله وش اشولـي !! حيـل الله اقـوى عساهـا روحـه بجيّـه وعسـاه مـا يبطـي ويرجـع ويسعالـي وقولوا له : الله حسيبـه كـان لـه نيّـه ما عاد يرجع لـي وقولـوا لـه التالـي : حرام كلّي ( ظمـا ) وايديـه ( وسميّـه ) وحرام ( مالي أمل ) مدامـه ( آمالـي ) !! http://www.aljnoon.com/vb/uploaded/1...1195022535.gif |
م ـخرجٌ .. / جروحك اللي بقت تعالي اخذيهـآ البارحه موتونـي فيـك واحيونـي الموت ماهو من الفرقـا وطاريهـآ الموت اذا طاحت عيوني من عيوني ! كُل مآكُتِب هُنآ .. لـِ { محمد جآر اآلله آلسهلي .. ♥ ♥ { لكلَ منَ يمرَ } تَحَ ـيـْـآتِيْ جُ ـنونْ .! |
يا سلام اوقف واصفق لهل الذوق تسلم يمناج اختى بصراحه ذوووووووق لمحمد جار الله القصيده^^ مافيه حيله الشاعر والى يسمعونه بعد مافيهم حيله |
ابيى احمل القصيده اختى كيف:( |
| الساعة الآن 09:12 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir