منتدى استراحات زايد - إلى جميع الأحبة في مكشات رأيكم يهمني وما عندي وقت بسرعة .. داخل على الله ثم عليكم

السلام عليكم ورحمة الله وبركاته ..

تحية طيبة لجميع الأحبة المكشاتية الكرام

أبي رأيكم جزاكم الله خير في أحد هالسيارتين .. وبسرعة لأني محتار وكلهم معروضات علي الآن .. ولازم بكرا أو بعد بكرا اشتري وحدة منهم ..

السيارة الأولى : جيب شيروكي موديل 99 سبورت ( بابين ) أمريكي قير تماتيك نوافد تماتيك لون أبيض نظيف مرة وسعره وصل 21000 والبيع 22000 ( بس صراحة قمة في النظافة ) ..

السيارة الثانية : باترول ربع ( سلقة ) نيسان موديل 97 لون أبيض ( مرشوش بالكامل لأنه كان موتر الدولة ) وما فيه حوادث فقط رش لتغيير اللون .. ومركب له مراوح سوبارو وعليه خطوط أصلي .. وما عليه نظيف وحده 32000

ملاحظة : السيارة أبيها فترة الشتاء فقط

تكفون ثم تكفون ثم تكفون .. لا أحد يبخل علينا برأيه .. لا أحد يمر مرور الكرام

والله رأيكم يهمني وراح امشي عليه بإذن الله بعد الاستخارة

والله يوفقكم جميعاً