منتدى استراحات زايد - الإخوة الفاهمين في كهرباء الجموس وال Abs الرجاء الدخول

مساكم الله بالخير ياأخوان جميعاً
عندي جمس 2002 والمشكلة الحاصلة إنه فجأه صار الدينمو حق ال ABS يشتغل على طول حتى إذا طفيت السيارة ( كأني مشغل دينمو خزان البيت :D ) وأضطريت أفصل الفيش حق الدينمو بعد ماجربت فصل أصبع البطارية اللي مافادني وطبعاً ولعت لمبة ABS اللي في الطبلون
1 / الوكالة يقولون لازم يتغير لأن البرمجة ماتفيده وهو غالي جداً :mad:
2 / أكثر من كهربائي أكد إنه لازم يتغير لأنه مايتصلح والمشكلة ماهي من برمجته :eek:
3 / قال لي واحد أتركه ماهو ضروي تصلحه وسيارتك صارت مثل الهايلوكس يقصد إن مافيها ABS :eek:
4 / اللمبه اللي بالطبلون لها أكثر من سنه والعة والفيش حق الدينمو مفصول والسيارة سالكة والحمد لله :D
سؤالي / هل ممكن أطفي أو أفصل لمبة ال ABS اللي في الطبلون ؟ وكيف ؟ لأنها غاثتي وكثر الله خيري تحملتها أكثر من سنه
ملاحظة / أنا عارف وظيفة فرامل ال ABS والله لايجعلني أحتاجها لأن سواقتي راكدة
آسف على الإطالة وأتمنى من يعرف حل السؤال مايبخل علي ودمتم في رعاية الله