منتدى استراحات زايد - كلمات ألبوم روح روحي 2008 "خالد عبدالرحمن"

السلام عليكم ورحمة الله وبركاته

http://www.qased.com/up/uploads/6b3c98c273.jpg

روح روحي

ياروح روحي عليك الروح .. متولعة والزمن جاير
لاجيت يمك أبي اروح .. حظي وقف لي على العاير
اسهر وأعد النجم وانوح .. والقلب من لوعته طاير
ياليت عين الرقيب تشوح .. وياليتني عندكم زاير
أفرح بشوف الرشا المملوح .. اللي عليه البها حاير
البعد بلوه على المجروح .. والحظ يا اهل الهوى باير

----------------------------------------------

وداعك حي

وداعك حي ولاتحصي خساير .. خطية ياليتني أمحي آثرها
أنا ماسكت لفراقك بشاير .. ديار الحب قلبك ماعمرها
أبرحل واعتبرني طيف زاير .. سبع ليلات لعيونك سهرها
وروّح ماترك غير العباير .. ودمعات الألم تجرح نظرها
بأمنك العيون ولا انت جاير .. ثمار العاطفة إحفظ ثمرها
حداني ما حدا بحت السراير .. وبحت السد ماهمي خطرها
حبيبه قلتها بإحساس ثاير ..رجل يقنع فتاته ما قدرها
على هالحب اسدلت الستاير .. تغيب الشمس ماعوض قمرها

============

جت يداعبها

جت يداعبها الخجل قبل الكلام .. لين ضاعت سالفتها من الخجل
عز في همسة شفايفها السلام .. كيف باقي سالفتها تكتمل
في ملامحها تفاصيل الغرام .. صمتها شوق وحاسيس وغزل
جت تصب النور في وجه الظلام .. تهدي الخفاق لحظات الأمل
في شفايفها حديث الصمت دام .. في حشاها جمر الأشواق اشتعل
ودها مره تنادي للهيام .. ودها لاكن يعاندها الثقل
غيمة العشاق وبروق الغمام .. لهفة المشتاق أحلى من العسل
يوم داعبها الخجل قبل الكلام .. من هوا الي ضاع فينا من الخجل

============

ياهلا

ياهلا بلي ينور دنيتي صوته .. كيف لو جيتني وشحال هالدنيا
إن هرجلي يريح نفس مكبوته .. وان ضحك لي يزف الروح للعليا
إنت ياحب قلبي صرت له قوته .. وانت يانور عيني أجمل الطريا
صورتك ياحسين الوصف منحوته .. يا اكمل الناس عندي واجمل الحليا

============

صغير السن

أنا لاشفت وجه البدر كامل .. خفوقي من تحت ضلعي نهسني
ذكرت اللي جماله مايجامل .. على الزينة حسنه زاد حسني
صغير السن تو الغصن حامل .. غريب السحر شيطانه لبسني
نحيل الخصر فيه الملح شامل .. فتور اللحظ والأجفان وسني
غرير ِ شايش ِ بالزين عامل .. على معلوق قلبي ماعمسني
نهبني نهبة السارق الهامل .. وفي بحر الهوى راح وغمسني
أنا الغرقان في حبه وآمل .. يجيني منه عطف يلتمسني
وينقذني بغضات الآنامل .. الى جاني وبيدينه لمسني

============

أغار

أغار والغيرة تحكم المشاعر .. سلطانها أقوى من احساس واثق
ياكل الغرام أنتا ياكل الثقة أنتا .. وما في الحب أي تعريف يعفينا من الغيرة
بيني وبين الشك موت الف حساد .. والشك عندي مات والوقت شاهد
كل مافي الأمر أغار .. قلتها من احساس واثق
ياكل الغرام أنتا ياكل الثقة أنتا .. ومافي الحب أي تعريف يعفينا من الغيرة

============

ذوق روحي

لياك تستكثر على جيتك لي .. أدري مثل ما اشتقت لك انت مشتاق
أحسن احضر يالغضي واعترف لي .. وانا بسامح والعتب حر الأشواق
عسى وصالك بالهوى ينكتب لي .. يبل روحي بالوصل بل الأرياق
ترى العمر من دونك قربك تعب لي .. ياذوق روحي أنت يارمز الأذواق
أبيك لو كان الدهر مانصفني .. وابيك يانور العمر شمس الأشراق
وابيك لاقلت اعشقك تستمع لي .. صحيح مشتاقك مثل ما انت مشتاق

============

الهـــــوى والنـــــور

جميل الصـدفة اللي جابتك حيي الهوى والنور
عليك اجمل مسا مسيت عطني منه قنطاره

أحي فيك ذكرك قبل شوفك والنبا مغمـــــــور
وأحيي فيك عطرك واسمك اللي مالي داره

أنا من مات حي لاطعن حربه ولا منحـــــــور
صويب العين مايبرا غدا قلبي لك الشاره

بغيت امشي واحس انه غدا مني القدم مبتور
بغيت آقف واشوف عظام كل الجسم منهارة

أنا من خانته عبرة فرح والا ضحك مسرور
يضيق إبه النفس وده يقول من الحكي خياره

أشيل غناي لك عرضه وأبدل به على المجرور
وأمول من طواريقي على عشاق سماره

أبكتب من القصيد الوزن وغيره من شعرمنثور
أنا لك شاعر يكتب وشعره نقوة أفكاره

ألا ياغايب عني معي حاضر كما الدستور
خيالك ما يفارقني بفكري دق مسماره

إلا من ضقت أسولف بك على نفسي وانا مقهور
وأقول الوقت على ماريد وأختاره

عليك أقبل ومنك أقفي ولا بينت لك محضور
أخاف عيون بعض الخلق ترقبنا وسباره

وجدك الله ياحسن كما التحفة وأنا جمهـــور
أنا المبهور في حسنك وانا من خطفت أبصاره

ومنك العين تامرني وأنا لك طايع مـــــأمور
على وصلك غدا حظي هوين وقصرت أشباره

أشوف إن الحسن عقبك ولويذكر غدا مكبور
يقال إنه حسن وألا أنت كل الزين وإبهاره

ألا يابوعيون حق وبعض الوصف خرس حور
عليك الصوت ماهوصوت كما ترنيم قيثاره

بقا قصرك على فالك عساه بطلتك معمور
تمشي بردهته حافي وتحيا عقبك أزهـــــاره

بريح المسك والعنبر يخالطهم زراق بخور
إلى أقبلت جا قبلك والى أقفيته غدا إستاره

على هالبوح والتلميح راس المال صدق شعور
وصدقني تري فكري عقب طيفك ماحد زاره

أنا باسألك تعذرني عساي بطلبتي معذور
أشوف الوقت مايعطي ولا فالناس عذاره

أبرسل لك مع النسمه سلام الخافق المكسور
عسى يجبرعزاه إنك تجيه وتنطفي ناره

ذكرت اليوم والساعه ورحله عمر يامستور
ذكرت الله في خلقك خلق هالزين وأسراره

أعرف أني مناب أول ولا آخر واحد ماسور
وأجمل ماملكته منه طيف دام تذكاره

ألا ياليت لي قلب يطيع الراي وأهل الشور
ضحيه موقف عابر ورحله سفر طياره

مقاعدنا بآخرصف ومقعد سيدي مشغور
على يسراي كان هناك اشوف أطباع جباره

أشوفه كل هالفتنه ثقل عقل وسلوك إطهور
حصين محصن شامخ يبين كبرمقداره

وأشوفه ديمه تحمي نبات الأرض بالممطور
بغيث يوم أشاهدها جرفني فيه تياره

ذهلني مبرم العاتق وشلال الشعر موفور
وذاك المبسم الوردي بلون الزهرقطاره

وقدأطرق هايف رشيق وخاصر مضمور
قوام اعتدل طوله يثير إقلوب جباره

أغني وأغتني بذكره ولاأطمع كود بالميسور
وعودي كم شكي مني بعزفي تبكي أوتاره

أعرف النفس تواقه وأعرف اني منا مسحور
ولكن سحر زينه صار ياخلق الله إشعاره

أنا والليل والهاجس قطعنا بالخيال بحور
أبي منهو يوصلني ومن يعطيني أخبـــــــــــــاره

============

ح ــيآآتي قبل تـ ح ــيآآتي

:5: بنوتة البـ ح ــرين :5: