منتدى استراحات زايد - اشبك على البلاك بيري مسنجر بدون اشتراك شهري

السلام عليكم ورحمة الله وبركاته

اليوم يايب لكم فكره تروم من خلالها انك تشبك على البيري مسنجر من دون اشتراكك بالخدمه من الاتصالات او مزود الخدمه في بلادك و هي عن طريق الواير لس ؟

كيــــف ؟

اول شي و قبل كل شي لازم يكون عندك انترنت وايرلس بالمكان اللي انت فيه .. يعني مثلا لو عندك وايرلس بالبيت راح تقدر تسوي هالحركه ... و لو كنت بمكان مافيه واير لس ما تقدر تسويها .....

وثاني شي .. انك تكون مشترك بالخدمه من قبل على نفس الخط ( البطاقه ) اللي موجوده بالبلاك بيرري..

يعني الخط اللي انت مركبه بالبلاك بيري وتتكلم منه ** تكون من قبل مشترك فيه بالخدمه من الشركه

والحين قطعتها او لغيتها يعني الخدمه حاليا مب موجوده عندك .. بس من قبل كنت مشترك فيها

باختصار راح اعيد الشروط من أول و بكل بسيط :

1- بلاك بيري (كـــــانـــــــت) موجوده فيه الخدمه مالت المسنجر والنت والحين مقطوعه..

2- هالبلاك بيري شابك على النت عن طريق الوايرلس !

بس من تشبك على الواير لس ... دش على البلاك بيري مسنجر وسولف على راحتك

العيوب :

1- انك ما تكون 24 ساعه شابك على البلاك بيري مسنجر ** لأنه لازم تكون شابك على الوايرلس عشان تقدر تسولف وتصير اونلاين
no wireless internet = no connection!.

الفوايد :

1- ما تدفع ولا شي
2-المسنجر والايميل والسوالف مالت الاشتراك تكون شغاله للأبد ما تنقطع ابد

و في النهايه تقبلوا تحياتي و هالشي اختياري طبعا للي ما يبا يدفع لشركه اتصالات

و السموحه منكم