ترهيم السبطانه وخطورتها
 

السلام عليكم كثير من الاخوان يتجهون الى ترهيم سبطانه على السلاح غير سبطانتها الاصليه ومع احترامي الشديد لكل من رهم سبطانه هذا غلط كبييييييييير وخطر جميع المصانع تسوي فحص للسبطانه تحت ضغط مضاعف لما ينتج عن الفشقه المقترحه للسلاح والترهيم يحتاج لتركيب قطع معينه تختلف عن الاصليه بالخامه المستخدمه او مكان تركيبها وهذا يحتاج لحيم بعض القطع والحراره الناتجه عن اللحيم تسبب ضعف في مكان الحيم وضغط الفشقه او الطلقه اشبها بالماء يبحث عن اضعف نقطه ويحاول التسرب منها ومع الاستخدام المتكرر ممكن يسبب انفجار للسبطانه لاقدر الله ونصيحه مني لجميع رواد منتدانا لا ترهمون سبطانه على اي سلاح تراه خطر خطر خطر وعشان ريش ممكن الشخص يفقد ايده او عينه لاقدر الله عسى الله لايوريكم مكروه وتقبلو نصيحة اخوكم لاني احبكم في الله يا اخوان وبالنهايه الله الحافظ وسلامي للجميع