منتدى استراحات زايد

إذا أردت أن تعيش سعيداً فلا تحلل كل شي فإن الذين حللو الألماس وجدوه فحماً

http://img292.imageshack.us/img292/2875/63615133al2.png

http://img144.imageshack.us/img144/2838/63562204km6.png

خل عنك الرياضيات !! والأرقام !

الحين بالله .. العمر ، الوزن ، الطول .. ماهي بأرقام ؟!! وش لك فيها ؟!
لاتحسبها وتقول انا كبرت !!
خلي الطبيب هو اللي يحسبها .. انت مالك دخل ..
أجل وليش ندفع للطبيب .. ويجمع الفلوس على قلبه ! خله يشتغل ويحللها !
بالعربي : ل ا .. ت ح س ب .. ع م ر ك .. !

http://img144.imageshack.us/img144/7964/13914508bb0.png

صاحب الأصدقاء اللي يحبون الوناسة ووساعة الصدر .

ياخي أصحاب الهم والغم واللي يتذمرون يجيبون لك الغثا وضيقة الصدر !!
أبتعد عنهم !
( ملاحظة لك : اذا شفت ربعك ابتعدوا عنك .. حط ببالك انك من النوع الثاني .. اللي يحوم التسبد ! )

http://img144.imageshack.us/img144/8053/14617664si4.png

لاتتوقف عن التعلم!

تعلم الكمبيوتر ،الحرف اليدوية ، الزراعة ، أي حرفة .. أي شغلة ! بس تعلم !!
لا تعطل مخك أبداً .. خليه دايماً شغال !

بقولك:

[grade="A0522D FF6347 F4A460 D2691E"]'An idle mind is the devil's workshop.'
And the devil's name is Alzheimer's![/grade]

بالأوردو تعني : المخ الفاضي .. مصنع لتكوين الزهايمر !

http://img144.imageshack.us/img144/7726/55535659ii3.png

استمتع بالأشياء البسيطة !

استمتع بكل شي تشوفه .. بأكله حلوة تحبها .. بصوت عصفور عجبك .. باجتماع عائلي حميم .. بمنظر الغيوم .. أي شي ..!
عيش اللحظة الحلوة واستمتع بها ..
ليش تكدر صفو اللحظة الحلوة اللي انت عايشها .. بتذكر الهم اللي صار لك قبل يومين !! والله انك مو وجه نعمة !

http://img165.imageshack.us/img165/5598/60518271fr6.png

أضحك ضحكة قوية ومن قلب .. !

أطلق ضحكة طويييلة و بصوت عالي ( طبعاً مع اصدقاءك .. والا يخرب البرسيتج ) ..
ضحكة تخليك تاخذ نفس عميق ..تحس معها أن كل الأكسجين اللي بالعالم دخل في كامل رئتيك !!
واذا عندك اصدقاء مرحين وتضحك معاهم على طول .. استغل الفرصة واقضى معهم أطول فترة ممكنة ..

http://img165.imageshack.us/img165/8910/72503738in8.png

الدموع لابد منها !

تحمّل .. احزن .. و .. عدّيها !!
الشخص الوحيد اللي يستمر معاك طول حياتك هو ' أنت ' ! فلا تحمله ما لا يطيق من الحزن طول حياته !
عيش حياتك دامك عايش !!

http://img165.imageshack.us/img165/7632/48398292fw3.png

خلي دايماً الأشياء اللي تحبها حواليك ..و تحيط بك ..

سواء كانت عائلة .. حيوان أليف تحبه .. نبته ترعاها بنفسك .. هواية .. وات افر ' أي شي '!
بيتك .. هو ملاذك الوحيد .. فأجعله مأوى للاستمتاع ..

http://img355.imageshack.us/img355/4614/56696015vf7.png

صحتك ..!

إن كانت ممتازة .. أحمد ربك .. و حافظ عليها ..
وإن كانت غير مستقرة .. حسنها .. واهتم بها اكثر ..
وإن لم يكن بوسعك تحسينها .. اطلب المساعدة ..

http://img165.imageshack.us/img165/1571/10qo1.png

لاتذهب في رحلات ' لوم الذات والإحساس بالذنب ' مع النفس !

بل اذهب إلى رحلات للسوق .. للبر .. سافر .. اذهب لمكان فيه سعادة لك .. ولكن إياك ورحلات جلد الذات !

http://img144.imageshack.us/img144/5582/11zs4.png

قل للأشخاص اللي تحبهم .. انك تحبهم .. في أي وقت وبكل وقت تسنح الفرصة ..!

ستندم كثيراً .. إن رحل عنك شخص للأبد ..