[center]ماصابك .. الا ماكتب لـك .. بخافيـك=واللي تعدى .. لاتحسب انه .. اخطـاك
مافـي مقاديـر المـلا .. أي تشكيـك=يديرهـا رب البـرايـا .. والافــلاك
والموت !! له موعد .. ولابد .. ياتيك=لا .. لايغرك ماملكتـه .. مـن امـلاك
لو عشت متعافي .. نشيطه .. خطاويك=والله ماينفـعـك .. هــذا .. ولا ذاك
هي ساعةٍ .. فيها تفـارق .. اهاليـك=مولاك .. حدد وقتها .. وانـت تخفـاك
يالآدمي !! وش ينفعك بـه .. تعاليـك=ترى الكبر !! لازم يوطيك .. وياطـاك
والا التواضع .. يرفعـك .. مايوطيـك=ويزيد قدرك .. عند ناسك .. ومـولاك
بشاشتك .. في وجه .. ناسٍ تحاكيـك=اخير .. من كشره .. تلـوث محيـاك
والمستحق !! اللي حياته .. شرابيـك=لاتنتظـر .. حتـى يجيلـك وينصـاك
ترى النفوس الطيبه .. صعب !! ترجيك=عفيفـةٍ .. لايمكـن انـه .. ترجـاك
ياكم عفيـفٍ .. عايـشٍ .. بالتهاليـك=لاتحسب انه يرتجي !! مـد .. يمنـاك
يرجي الـه الكـون .. رب المماليـك=والمغنـي الله .. لاتمـن .. بعطايـاك
لاتستقـل اللـي تمـده .. بايـاديـك=شيٍ قليلٍ .. يدفـع الشـر .. ويفـداك
يالادمي !! لهـو الزمـن .. لاينسيـك=دنيا الشقا .. دايم تنسيـك .. اخـراك
درب البدايـه .. للنهايـه .. يـوديـك=لو طالت احلامك !!! مماتك .. تحـراك
ترحل .. ولايرحل معك .. من يخاويـك=الا عملك .. اللـي عملتـه .. بدنيـاك [/center]