اقدر وجية(ن) تقدرني
 

حضرت وعيون الرجال حراب وعيونـي حـراب
..... ووقفت من بين النشامى وقفة(ن) يدرى بها
اقدر وجية(ن) تقدرني واحسـب لهـا حسـاب
..... واصد عن بعض الوجيه ولا حسبت حسابها
جات البدايه هكذا .. يا امـا خطـا ولاصـواب
..... لكنها فكـره عسـى ربـي يجملنـا بهـا
حمستها فالراس حمس البن يـوم الكيـف طـاب
..... من طيب نكهتها طمع في شربهـا صبابهـا
وفوحتهـا بيـن المحانـي ليـن فيهـا البـن ذاب
..... وقندتها من فكري اللي مايطيـب الا بهـا
يوم استوت قدمتهـا لوجيـه سمحيـن الجنـاب
..... ما كنها الا دلة(ن) تبـري خـوى شرابهـا
صحيح شاب الوصف لكن من يقول القاف شاب
..... الا على روس الطوال النايفات ارقـى بهـا
شاعر واحقر الهينه ويشـوش راسـي للصعـاب
..... مانيب حياالله ليا شـاف الصعـاب يهابهـا
اغرف بحر واقطف زهر وانحت على صم الهضاب
..... مثايل(ن) تبطي وهي عند العرب يحكى بهـا
السبع كانه لا عدى ماله علـى الشـدات نـاب
..... تعشته شهب السبـاع اللـي تحـد انيابهـا
واللي مايلقى مـن يمينـه لا طعـام ولا شـراب
..... تصبر على جور الليالـي لحيتـه واشنابهـا
واللي معه قلب(ن) شجاع وعزم ذيب وعين داب
..... وبين الجبال الموحشه دربه وبيـن هضابهـا
ومنين ما هب الهـوى لقـاه لخشـوم الركـاب
..... من سطوته ماهـو يخليهـا تعـوج رقابهـا
ولا يكـل ولا يمـل ولا يضيـق ولا يـهـاب
..... ويعقب اللي ما يقول النـار مـن شبابهـا
ان كان ماجاه السعد يسبق مراويـح السحـاب
..... قولت كفو في حق مثله ما يطـول غيابهـا
وانا احتزمت بمحزمي واخذت سيفـي والزهـاب
..... وشقرا(ن) عليها البندق اللي بين(ن) مضرابها
من دار ابو مشعل سديد الراي حـلال الصعـاب
..... حليت في دار الرجال اللي تعـز اصحابهـا
واخذت من غيري كتاب وشفت مضمون الكتاب
..... ماهو كتاب الا وصاة(ن) ما طلعت الا بهـا
من ثقلها يمكن يبيـن الشيـب ف راس الشبـاب
..... مافيه واحد من عيال العود ما وصـى بهـا
اتباع من دون الوطن والملك الانفـس والرقـاب
..... مافي خساره روحـة الارواح دون ترابهـا
والجادل اللي لبسهـا نـدر الجواهـر والثيـاب
..... موضوعها اكبر من جواهرها ودق خضابهـا
تلد لي كنها تقول ادخل عليـك مـن الذهـاب
..... تراك يامي ستر من تبغـى الستـر بثيابهـا
قد غـارت القعبـان تبغيهـا وعداهـا عقـاب
..... حول عليها يوم شامت لأجله وقفـى بهـا
خذها ببيت وحكمه ومعنـى ووزن ورفـع اداب
..... لو ما معه قوه وعزم ومعرفـه مـا جابهـا
وانا حضرت وحضرتي ماهي سوى هي والغيـاب
..... حضور من يجني فوايـد طرقتـه واتعابهـا
وان كان في الدعوه بيارق فاللـوازم مـا نهـاب
..... حنا لها امهـا بهـا .. ولا بقطـع ارقابهـا





ابيها mp3



تكفووووون

افاااااااااااا

وينكم !

صح لسانك

تسلم اخوي على القصيده

ههههههههههههههههههههههههههههههههه

:54::54::54:


صح بدك اختي


بس انا ابي القصيده هذي صوت :1:

مرحبا السااع ..

امم ما اعرفها * بدورها و اذااااا .. لقيتها بحطها لك ^^