حبيت اسلم ما ضوا خاطري شي=وان ما حصل تكليم مسموح يا استاد
ادري غريب الرقم معذور يا خي=والقاف ما غيره بلاغن للاجواد
انا ادري انك بالشمال متعزوي=حتى لو انك يمّة الطاش شداد
دارك شمالن شرق عن عالية طي=واعنوز ناسك ما بلش فيك نشّاد
قريت مكتوبك عن الحاصل السي=وانتابني سحب الشهيق وتنهاد
ترا الضنا فقده كما بالحشا كي=والا كما جرع الصقطري مع الزاد
احمد ترا الدنيا تناها بها الحي=والا الفتى عمره عن قضاه ما زاد
لكن يضيق البال وادموع تهفي=اكيد غالي يقتفيه التوجّاد
سامرت ليلي حولي الذيب مقعي=وعويت من بين الحنايا ولا فاد
ما غير اطورق في مدا القاف والهي=عساها تبرد باخر الليل الاكباد
قالوا مشاري صابته ضيقه وقي=واقفا حبيس الموت من بعد الاجهاد
الوالد امسى لابنه اليوم يغلي=راح الولد بين النصايب ولا عاد
ترا زمان الناس وان طال مقفي=والصابرين يجون للحوض ورّاد
والراحل اليا طال مسراه منسي=هذي هي الدنيا كما سلاح صيّاد
ما كنها الا قوم تاخذ وتسبي=والفايز اللي واقفن عنها باحياد