|
موضوع يحتاج لنقاش (بخصوص الصيد الجائر) طرحك يفيدنا ويستفيد الجميع بسم الله الرحمن الرحيم اخواني اعضاء مكشات لم اسجل فيه هذا المنتدى الذي اتابعه من زمان وكنت متابع فقط والان انا بينكم . وعضو افديكم بروحي وعتبروني اخوكم الصغير الا حبي للاعضاء وتلاحمهم كأنكم اخوان من اب وام الله لا يفرقكم ويسعدكم انشالله وهذا ان دل يدل على تربيتكم وحسن اخلاقكم وتشرف بتواجدي بينكم.. موضوعي.. يحكي لي احد الشيبان قبل نحو 55 سنه يقول كنا قاطنين في بيوت شهر وكان الصيد بكل مكان وجاء وقت صيد القمري وكان من كثر القمري يجينا الاف مؤلفه وكنت اطرده ابي اصيده تخيلو وش يقولون عنه ربعه وجماعته (كانو يضحكون عليه ويقولون هذا خبل يطرد ها طويرات تصغير لطير) لان كان عندهم غزال الريم والارانب ونعام ربي .. وقارن قبل 55 سنه والحين قسم بالله الموسم هذا اطلع وصيد 6 الى 9 ورجع وفيه ايام ماشوفه مره وفيه مناطق من المملكه ما شافوه مثل الرياض والشرقيه بسب اننا كنا نصيد بالمئات قبل مواسم وعلى الساحل بالالاف يستغلون تعبه في هجرته مقارنه بقبل 5 سنوات كنت اشوف اجوال واخذ المقسوم ومشي ..× يؤسفني ما اشاهده انه اصبح الصيد تباهي نصيد بأعداد هائله خاصه الدخل والحصد او السمرمد عندنا والموسف جدآ سلاح فتاك الا هو الشبك وكذالك جهاز التزاوج حق المريعيات او السمان وحسبي الله على من صنعه لانها كارثه لا نحس فيها الا بعد سنوات اذا شفت تقارير بأن فلان من الناس صاد 500 وفلان 999 و و والخ تذكرت كلمة الشايب يقول كنا نشوفه بالالاف والحين بالموت تشوف قمريه؟ يا اخواني الصيد متعه ورزق والله اني مجرب الشي هذا صد على قدك والله الله يرزقك مدت الموسم كله.. لا تقول هذا طير اذا ماصدته يصيده غيري (ياخي ماتعلم الغيب) وصدقني الانسان الذي يريد التباهي ويطلع على شان يصيد ويصور قليل يحصل شي.. لان لاعمال بنيات ومن الاسباب الكبيره لنقراض الطيور هو الصيد بالساحل (يهاجر ويرهقه الطيران فوق البحر وعندما ينزل على اليابسه يجد امامه الاف البنادق :( يرمون الواحده بالشوزن) يخاف انها تطير ويصيدها غيره؟ حسسسد يا اخوانا انا اجد من يتقبل كلامي واجد من لا يتقبله المحور الاخر لموضوعي هو وموضوع سراحه لم اجده الا في المنتدى انا لا اعلم هل هم مبتدئين شخص يصيد صيده يقتلها ويسئل عنها هل توكل ام لا؟؟؟؟ طيب اذا كانت ماتوكل ترميها بعد ما قتلتها هل تعلم ان هذا الطائر يوم الحشر يوم القيامه يقول ياربي فلان قتلني من غير سبب وتحاسب عليها.. ليس التباهي بقتل الطيور بسبب انك تصورها وتسئل عنها؟ والله يااخواني اني اتكلم من شي يقهر ويحز بالخاطر .. اتمنى من الاداره التنبيه على عدم الصيد الجائر والتباهي و و و و الخ اتمنى من الاعضاء عدم المشاركه اذا كان التقرير لاحد الاعضاء فيه اسراف واباده اتمنى من الاعضاء التكاتف لان اذا انقرضت الطيور نحن اول الخاسرين والله اخاف بعد 20 سنه نقول فلان ماشاء الله صاد 9 دخلات او فلان صاد 3 سمان وذا استمر الوضع على ماهو عليه راح نسمعها اذا الله عطانا طولة عمر اسف على الاخطاء الاملائه لكم ودي وحترامي سبحانك الله اما بحمدك استغفرك واتوب اليك |
| الساعة الآن 11:27 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir