منتدى استراحات زايد - الطير مات وسبب زيادة العلف

السلآم عليكم ورحمة الله وبركآتة

صبحكم الله بخير

كيف أحوالكم ياعضاء ومشرفين وزوار مكشات

حبيت انزل لكم هذا الموضوع نصيحة عن زيادة العلف والطير مجوع

السالفة ومافيها ياطويلين الاعمار

عندي طير وكري كانت مجوعه يومين المهم يوم الخميس

دعية و عطيتة حمامة من نوع زآجل كاملة والزاجل معروف لحمة ثقيل على الطير

والطير كان مجوع وأكل الحمامه كاملة لاني قلت خلني ادسمة عشان اليوم الثاني اشنذرة

لاكن قدر الله على الطير انه يموت وهذي الصورة أول ما جيت للبيت ذابحتة التخمة

http://up4.m5zn.com/9bjndthcm6y53q1w.../b00643j3j.jpg

وبعدها الطير صار يرد علف وذرقة الله يكرم القاري تقول ماء أصفر
وصار الطير مكموخ تعبان مافيه حيل شوفوا كفوفة كيف صايرة ماعاد يثبت نفسة
http://up4.m5zn.com/9bjndthcm6y53q1w.../fwx5be652.jpg

رجعته على الوكر ماقدر يثبت نفسة ونزل على الأرض من شدة التعب
يبغى يمحط الله يكرم القاري مايقدر

http://up4.m5zn.com/9bjndthcm6y53q1w.../b4r0yol2h.jpg

زآد عليه التعب يبغى يتخلص من العلف لاكن مافيه حيل

http://up4.m5zn.com/9bjndthcm6y53q1w.../v14upu3l0.jpg

والموقف اللي أحزني حطيت مخدتي جنبة ونمت وخذت حوالي ربع ساعة
والطير نقز على وقمت كانه يقول يافهد شفني وأنـآ أمـوت
وقام يتقلب ينقز وحذف شوي من علفة وانا استانس قالت ارب انه يحذفه كله
وهذي صورة وهو متمدد على الارض ماهو منه من اللي يونسة
http://up4.m5zn.com/9bjndthcm6y53q1w.../py5c7vsaw.jpg

وخذ شوي وفــآرق الحيآة

http://up4.m5zn.com/9bjndthcm6y53q1w.../ih4ccdkf4.jpg

وأنـآ ياخوآن ما نزلت هالموضوع عشان ادور أحد يعوضني العوض على الله
وأنـآ خابر به نآس تعطي يمينهم ماتدري شمالهم
بس هالموضع نصيحة لكم لا تغلطون غلطتي تراى التخمة = زيادة العلف
تذبح الأوآدم والأبـل فما بآلك بطير

ع العموم آسف على الأطاله
تح ـيآتي