قالولي ابخل قلـت عيـب وعذاريـب=ماهو لنفسـي ياهـل البخـل راحـه

**

**

"

"

"
هذه ثلاثه من قصائد الشـاعر عوض بن مطني الذرفي الشمري

[center]دنياك هذي يابـن ادم وجـع راس=وشره على القرم الكريم السنافـي
تقبل على ناسِ وتدبر علـى نـاس=يالله طلبتـك مـن بـلاه العوافـي
شفنا القهر ذقنا شراء المر بالكـاس=شين يبيح من الرجـل كـل خافـي
تسيطرت على المطانيخ الابسـاس=تامر وتنهـي والمجالـس كرافـي
والله يلولا خوفـي اعتـاز لنـاس=مصبر على بعض الامور العجافي
وامر العفن مهو على العين والراس=لاشك من هجر المواجيب اخافـي
ياقل ستر الوجـه تنـدم وتنحـاس=وش موقفك ياجاك ضيفن وضافـي
وغد بوجهك للحيا اشكال واجنـاس=وعرق جبينـك ويبسـن الاشافـي
ودك تموت ولا يجي ذكرك البـاس=ولو اعتذرت العذر ماهوب كافـي
حنا ندور الستر في شق الانفـاس=ونشريه من دم العـروق النحافـي
ياحظ اللي يكسب بها العمر نوماس=لوهو مشا بيـن الفريقيـن حافـي
اهم شي ان سمعتك ترفـع الـراس=والعمـر قافيـه الفنـا والتـلافـي [/center]

[center]عزاه واكبـدي اللـي تطبـخ الهرفـي=ياحظ نـاسِ طريـق الحـب ماتعرفـه
كبدي من الحب ماتسلم حسـب عرفـي=حتى مـن الـزاد منسطمـه ومنقرفـه
على وليـفِ لغيـره مانضـر طرفـي=وعن غيره العيـن منعميـه ومنطرفـه
وردت له وردة المضمي علـى مرفـي=وخرمت له خرمت المدمن على الصرفه
غرواَ يهلي ويفـرح ياوصـل زرفـي=كما اني افرح واهلي ياوصـل زرفـه
على ضهر كفه الغالـي رسـم حرفـي=وانا على استار قلبـي راسـمِ حرفـه
كنا بنعمـة وصـال انـا ويـا الترفـي=والكـل منـا يعيـش بخيـر ومترفـه
واليوم طول غيابـه والسبـب ضرفـي=تنزال خير النعم مـن خاطـي الحرفـه [/center]

"

"


[center]قالولي ابخل قلـت عيـب وعذاريـب=ماهو لنفسـي ياهـل البخـل راحـه
ماني من اللي يسهجـون المواجيـب=ولقدر تعذر مـن نصانـي صراحـه
قالو فقيـر وقلـت مابالفقـر عيـب=وكلن علـى كيفـه يقـول اقتراحـه
زين الفقر ياصار اللي سببـه طيـب=وشين الغنات اللي سببهـا شحاحـه
خلوني ابي اطيب من قبـل ماشيـب=مدام فرصه وقـت عمـري متاحـه
والرزق عند المعتلـى عالـم الغيـب=اللـي لـه المسلـم ينقـح ريـاحـه
مدامـت الدنيـا لهـارون وشعيـب=وكم عالمن عاشـت عليهـا وراحـه
وطير الهوا من عقب روس الشناخيب=لابـد مـن يومـن وسـاده جناحـه [/center]
الشـاعر عوض بن مطني الذرفي الشمري