منتدى استراحات زايد - برادو يا اهل البرادو

السلام عليكم
الله يحيكم كلن بأسمه
اخواني المكشاتيه
شريت ولله الحمد والمنه بعد بحث طويل سيارتي
وهي برادو فل تماتيك فتحه هيدروليك مخمل طبعا مستخدم
موديله 2006
وطلباتي منك الله يعافيك كتالي
الهبدولبك اقدر اتحكم فبه ولا لا وكيف لاني كل ما حطيته على مرتفع او منخفض يرجع للوسط عنده سرعة60
الثلاجه كيف افصلها عن المكيف ودي انها تشتغل لوحدها ((شريت لي برادو 2005 قبل هذا ب اسبوع كانت الثلاجه تشتغل لوحدها بدون المكيف علما اني عارضه للبيع ب قسم البيع والشراء )) احد عنده طريقه او كهربائي فنان

توجد انظمه كثيره بالسياره والدبل الخفيف زر وتشتغل معه الدبل لمنبه مدري وش هي ((ودي ب واحد يشرح وش الدعوى))
فيه زر مكتوب عليه dac هل هو الدفلك لم اشغله تولع لمنبه ب الطبلون
وش افضل زيت للمحرك ونصيحتكم كم علبه بالضبط عن تجربه لاني انا غيرته 5 علب مع السيفون تمام
ماهي افضل كفرات للبرادو ومقاسها كم الجنط طبعا 17
هل السيدي 6 سيديهات وكيف
ودي اللبس المراتب مخمل وش افضل تلبيسه موجود بالسوق
ودي افصل تانكي ماء تنصحون به مع الهيدورليك وطل المدى ولا اشتري من السنيدي الجاهزه وخلاص ((طبعا المراتب الخلفيه خارج الخدمه))
هل اجد احد يفصل داعميه حلوه وعمليه وراكبه على البرادو لون السياره ذهبي
مانع الانزلاق كيف افصله لاني سمعت ان يبلشك بالبر ((اقصد هل اركب له فاصل ولا ماتنصحون به وعند مين يتركب))
كيف اقدر افصل زر لي الايرباقات افصلها وانا ب البر مثل الشفر الحوض

اللهم اغث البلد والعباد

وسلامتكم