كشاف عملي جداُ وبسعر مناسب * صور
 

السلام عليكم

احبتي اسف على فترت الغياب الماضيه لكن الضروف ماسمحت لنا بالمشاركه بالرغم من دخولي المستمر .

نبداء بسم الله ..

كشاف بالرغم من صناعته الصينيه إلا انه ذو جوده عاليه وسعر مناسب وشكله كشخه :) حطه بجيبك جنب الجوال ..

اهداني احد الزملاء هذا الكشاف قبل اكثر من سنه وبعد ماشافه الوالد الله يحفضه قرر انه يصادره وبعد المصادره كان الكشاف في بالي وبحثت عنه ولم اجده وشاء الله اني امر على محل العليان والحمد الله لقيته عندهم .

سعر الكشاف اقل من 40 ريال في بحر الثلاثين بس ناسي بالضبط ..
النور زنون ابيض يشحن عن طريق ولاعة السياره ويحتوي الكشاف على بوصله (( لاتعتمد عليها )) .
تم شحن الكشاف قبل اكثر من شهر وتم استخدامه كثيراُ وبعدها قررت ان اري كم فترت عمله ولم اشحنه بل جربته مباشره وتم تشغيله لاكثر من 16 ساعه متواصله .
يعني اشحن وانت طالع البر بالسياره ورايح يشتغل معك خميس وجمعه زي الحلاوه .
صورة النور الموجوده بعد اكثر من 16 ساعه يعني ضعيفه جداُ ولكنها تؤدي الغرض .
يحتوي على سلسله لتعليق وكذالك لحفظ الغطاء من الضياع . للي مثل حالتي .
ملاحظه .. لاتحاول فتح الكشاف من اي جهه اخرى غير الجهه الي فيها الشاحن لان باقي الجهات تكون فيها اسلاك واثناء الدوران تلف الاسلاك حول نفسها وتنقطع يعني لاتحاول استكشاف الكشاف اشحن وامش :)

الصور بسم الله ..
http://up4.m5zn.com/9bjndthcm6y53q1w.../hccerym03.jpg

http://up4.m5zn.com/9bjndthcm6y53q1w.../4t46ragpo.jpg

http://up4.m5zn.com/9bjndthcm6y53q1w.../cjueo5c6f.jpg

http://up4.m5zn.com/9bjndthcm6y53q1w.../bp2iuc4v4.jpg

http://up4.m5zn.com/9bjndthcm6y53q1w.../j2fca9eol.jpg

http://up4.m5zn.com/9bjndthcm6y53q1w.../jtt9np5jn.jpg

http://up4.m5zn.com/9bjndthcm6y53q1w.../t6nqgqe6j.jpg

http://up4.m5zn.com/9bjndthcm6y53q1w.../7qlv7bq7r.jpg

http://up4.m5zn.com/9bjndthcm6y53q1w.../rmpt9ijkq.jpg

ان شاء الله اني اكون اضفت شئ جديد وفعال .. وبعيداُ عن الدعاية .. ولكنى اعلم ان البعض يعاني ما اعانيه من ردائة الكشافات الموجوده وخرباتها الكثيره وغلاء الكشافات الامريكيه فهذا الكشاف فعال وسعره جيد .