|
صفحات من حياة بنت اصل ما تنوصل السلـآم علَيڪم ۈرْحمة آلَلَهٌ ۈبرْڪآتهٌ سلامي عدّ ماهب الهبوب واعداد ما نسنس الغربي علينا سلام مرشوش برشت العود سلام لك واجب منّا وعلينا احـَـم احــَم شسمـــَه هــآذا مكاااني اعتــبـآرا من اليــَوم 24 / 10/ 2009 في هالبقعــَه بتعــَرفون : منو أنــَآ ســوآلفيــَه شو أحب و شو مـأحب ** وكل شي أحب اشـآركم إيــآه وبس هيــُك وٌوٌوٌوٌ شسمـــَه اذا حد عنــَد ( تعليـَق / مدح / نقــَد ع شي ماعليَه الـأأ أنـه يشوت رسـألهـ ع الخــآص ومرحبآ الساع فيكم .... |
آلَآسم : إســمي بين الـأسامي ( ظــآهر يسلم عليكم خخ ) . . تآرْيخ آلَميلَآد : 10/ 10 / 1990. .! << ختير مرهـ هع ~ آلآقآمـہ :عين دار البدو هع آلدرآسـہ : ثاني سنّه أكرف فالجـآمعه .. ترتيبيـۓ فآلعآئلـہ : [8] هٌۈآيآتي : الحواطة في العزبة والمزرعة/ الطبخ وامووت في المطبخ/ النقش يوم أتبــَرض هع . .! لَۈني آلَمفضلَ : الاصفر والازرق والابيض . طمۈحـأتي : أرضــي ربيه و هليـَه هذيلــآ أولــَ طموحـأتيَ وذروه حنيني - - > هع خربــت الغنيّه شآعرْآئي آلَمفضلَين : محمد بن فطيس - طارق المحياس- ســـعد علوش - حامد زيد ~ ) مشرْۈبي آلَمفضلَ : جاهي كرك وبــَس . آڪلَتيه آلَمفضلَهٌ : خبز ولبن وعيش وروب يم يميي. .] بقعُتـٍي المفضـّله : العزبة والمزرعة وبس المزاج : المرح في أغلب الاوقات الشخصية : اجتماعية وخريش الحيوان المفضل عندي : الخيل |
×يومــ فيــ حياة عضوه × انا بتكلم عن يوم الخميس اضبط الساعة على الساعة خمس ونص اقوم اصلي واروح اطفر باهل البيت لاني انا من النوع النشيط فعشان جذيه اروح اطفربهم خخخ المهم بعدين اروح اتريق طبعا اكل نص السندويجة والنص الثاني اخشه تحت الصينية خخخ عشان ابوي ما يشوف السندويجة هع بعدين اروح البس جاكيتي واروح اتحوط في الحوش لان عندنا حوش كبير وفيه عذبه بعد عاد اروح اشوف البقر والدياي وطبعا التلفون وياي واسمع هع المهم على الساعة سبع ونص اروح الجامعة واجابل الاساتذة المفلع خخخ المهم بخبركم شو سويت في الاستاذ . كنت ما دانيه وايد متشدد على الغيابات جان اقول والله لراويه نجوم الليل في عز الظهر المهم في البريك عشر دقايق حط الكوفي ماله على المكتب وطلع جان اروح واحط داخل الكوفي ماله كابتشينو وديو وماي خخخ وبعد البريك جان يرد ويشربه تخيلو ولا حس بالطعم بس شكله كان شاك جان ييلس يخبرنا قصة بنت ماتت بسبب التسمم خخخ . المهم بعد مارد من البيت اروح ارقد مباشرة وانش الساعة خمس اقوم اصلي واروح اتحوط في العزبة ويا ابوي طبعا العزبة الا برع بيتنا اوكي ويكونون اليهال رايحين ويانا عاد يوم نروح ويا الشيبة يحط اف ام ونرتبش عليها ويالعيال بس عاد يحشروني عاد يخلينا الشيبة نركض ورى عنزة اسمها الطمطم هي سريعة وايد يقول الا يمسكها بعطيه امية ربيه عاد هنيه انا اقوم وافصخ العباه واعلقها في الشبج واركض وياه اليهال ورى الطمطم بس مارمت امسكها مسكها اخوي الضغير عمره عشر سنوات ما شاء الله عليه وايد سريع خخخ وعلى المغرب نرجع البيت . عاد بعد المغرب اييون صوبنا بنات خالي نروح ورى الحوش ونوري ضو ونسوي جاهي وبيض ودياي على الضو ونقعد نسولف ونتمصخر على كل وحدة وعلى الساعة 11 ايي خالي ويشلهم وانا عاد اروح اسبح واصلي العشاء واروح اقعد اطالع التلفزيون والا على الاب الين ما ايين ارقاد وبعدين اروح ارقد وبجذيه خلص يومي خخ شو راايكم بيومي الحلو هع هع |
انا بخبركم سالفة صارت لي في المستشفى من اسبووع هع هع الله يسلمكم كنت رايحة المستشفى وانا الحمى عندي فوول هع يعني حتى ما رايمة امشي منها المهم يوم رحت المستشفى ياخذون عند البطايق بطايق الثقة اختي العودة عطتهم بطاقتي وانا مارمت اتم واقفة رحت ويلست على الكرسي وكان عدال الكرسي طاولة حطيت راسي شوي الين ما ايي دووري المهم قلت حق اختي انا بروح غرفة الطواري ارقد الين ما ايي دوري خخ على كيفي اروح غرفة الطواري خخ المهم قالت لي السستر تعالي بنعالج وبعدين رووحي رقدي في غرفة الطواري المهم رحت عندها عشان تسويلي الحرارة والوزن والضغط وهالقرقعة خخ المهم طلعت درجة الحرارة 39 والسستر كانت مصرية قالت لي عندك سقة قلت لها لا ما عندي قالت لي سقة ما عندكش قلت لها الحمد الله ما عندي سكر شو فيج وجان تنفجر تضحك علي السستر وكل الا هناك واختي ما رامت تمسك عمرها من الضحك خخخ السستر كانت تقصد عندي بطاقة ثقة وانا اتحراها تقولي عندج سكر قلت لها الحمد الله ما عندي سكر ههههههههههههههههه يلا عااد بسكم ضحك خخخ الضحك واايد مضر للصحة هع هع |
لستُ مجبوره ..! أن أُفٍهّم الآخرين من أنا .. ! فـ من يمتلك مؤهلات العقل والإحساس .. سـ أكون أمامه كـ الكتاب المفتوح .. وعليه أن يحسن الإستيعاب .. |
| الساعة الآن 11:14 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir