|
ليه لابس طاقيه ...!؟ بسم الله الرحمن الرحيم تصميم بسيط وبصراحه عجبتني القصه ولالكلمات وان شاء الله يعجبكم السلام عليكم ورحمة الله وبركاته على قولة المثل ليه مو لابس طاقيه الي يعرف قصة المثل لا يقرا صار هذا وضعنا كل واحد معه سلطه قالك ليه مانت لابس طاقيه العسكري يعطيك قسيمه ويقولك ليه مهدي بالخط ليه لابس حزام ليه تدور هنا يبي يعطيك قسيمه بس مايدري وش يسوي الموظف بدائره حكوميه اذا جيته يقول ماقدر اوقع معاملتك ليه جايب ملف اخضر انا ابي ملف شفاف بدوامك احيان يجيك مديرك ليه مداوم بدري ليه جالس بالمكتب ليه يطلع لك اي عذر عشان يوبخك حتى الحبيب ليه مادقيتي تصحيني ليه دقيتي انا نايم ليه ماتدقين يدور اي عذر لين صار هالمثل دارج بلساننا احيان ادخل الاستراحه واشوف واحد من العيال جالس وضايق صدره اساله وشفيك يافلان يرد علي ويقول اخوي اشغلني ليه مو لابس طاقيه احيان بالدوام اسال خويي وش يبي منك الريس يقول ليه مو لابس طاقيه افهمها وادري انه ماعنده سالفه بس كذا يبي يمارس سلطته ومالقى اي غلطه صرنا زي القصه حقت الثعلب والنمر اقولكم القصه حقت المثل هذا كان فيه ثعلب مسكين وعلى قد حاله ..كان يتمشى بالغابه مر من جمب النمر وقاله النمر :تعال تعااال قرب الثعلب من النمر وقاله: سم آمر قاله النمر: ليه مو لابس طاقيه وكف يمين وكف شمال على وجه الثعلب وهو يصرخ بوجهه ليه مو لابس طاقيه هرب الثعلب وهو خايف من النمر وبعد كم يوم طلع الثعلب يتمشى وهو لابس طاقيه .شافه النمر وناداه تعاااال تعااال قرب الثعلب من النمر وهو واثق من نفسه (لابس طاقيه ) قاله النمر :ليه لابس طاقيه وكفووف على وجه الثعلب وصار النمر كل ماشاف الثعلب يضربه اذا لبس طاقيه قاله ليه لابس واذا مو لابس قاله ليه مو لابس ...ضاق صدر الثعلب وقال مالي الا طويل العمر الاسد ملك الغابه راح الثعلب للاسد واشتكى له وعلمه بالسالفه وقاله شف لي حل ياطويل العمر دق الاسد صدره وقاله مالك هم الموضوع عندي نادى الاسد النمر .. دخل النمر على الاسد وقاله :امر طال عمرك يقولون انك تبيني قال الاسد ايه ابيك عشان موضوع الثعلب .. حرام عليك اذا بغيت تضربه اضربه على شي يستاهل يعني قله يجيب تفاحه ..واذا جاب خضرا اضربه وقله جب لي حمرا قال النمر ابشر طال عمرك طلع النمر من عند الاسد وهو في الغابه وشاف الثعلب ناداااه قاله تعااال تعااال قرب الثعلب وقاله سم قاله النمر جب لي تفاحه ...الثعلب عاد ذكي ساله الثعلب :حمرا والا خضرا انقهر النمر وقام وصفقه كفوووف مع كل مكان يوجعه وهو يقوله ليش مو لابس طاقيه ليش مو لابس طاقيه القصه منقووولها الصور المستخدمه http://www.ph02.net/uploader//up1/ph02_FZmEuwdOa.gif التصميم http://www.ph02.net/uploader//up1/ph02_CrzuUkK4eG.jpg |
بــصرااحهـ رووعه التصمــيم... ونترقــب كل يديد من جـداكـ ... |
مرحبــآآ الســآآع في البدايه انتــ ــقادي لو صغرت حجم الصوره ^_* وعيــبني الدمج روعــه ... والسمـــــــ ــوحـــ ه |
وأإأإأإأإو بصراحه تصميم خيالي روعه من جد كل شي فيه روعه الدمج والالوان والفكره بعد روعه بس عندي سؤال هالحين الارضيه انتي الي مسوويه شكلي بخليك تسووي لي توقيع هع هع |
\ / بصـــرآحه يوم شفت الصورة المستخدمه قلت مؤؤ شي يومم شفت التصميييم ×______________× ------->>جـي قآعده اطآلع لووولوو التصميييم ما علية رمصه وقثم طخشه وطخشاااه بعد^^ وخلنا انشووووف ابدآعآتك كمآآن ^^ يعطييك العافية^^ وسلمت ايدينك على هيك تصميم^^^ \ / |
| الساعة الآن 09:51 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir