|
تستخدمون البلاك بيري ؟؟ اللي كنت اعرفه ان جهاز البلاك بيري اكثر شي يستخدمونه المدراء وموظفين الآي تي ( التقنيين ) ومو كلهم طبعا يستخدمونه .. يعني استخدامه اكثر شي يكون للبزنز او لشخص شغله كله يكون على الكمبيوتر والنت . بس آخر الايام اشوف ناس واجد تمشي في كل مكان وفي ايدها بلاك بيري وكل يوم يتغير لون الكفر ( الغطاء ) مال الجهاز .. يوم احمر ويوم اخضر ويوم ازرق ويوم وردي .. وطبعا في منهم فئة تستخدمه للفشار والتظاهر بدون مايدرون حتى عن مميزاته وهم ليسوا في حاجة ملحة لاستخدامه وقليل اللي يستخدمه للحاجة .. يعني فقط استخدام من اجل خدمة المسنجر المجانية والتحدث مع الاصدقاء او الفيس بوك ويدفع اجار الخدمة اللي بحسب علمي 11 دينار شهريا يمكن اقل او يمكن اكثر. حتى من جم يوم بتلكو روجت للجهاز في جامعة البحرين وسوت عرض للطلاب اشترك في الخدمة وامتلك الجهاز بعد مدة اعتقد سنة .. الظاهر هدفهم الترويج لاستخدام البلاك بيري بين الناس شنو رأي الاخوة في موضة انتشار البلاك بيري واستخدامه بصورة سلبية ؟؟ وممكن من الاخوة اللي يستخدمون البلاك بيري او عندهم خلفية مناسبة عن الموضوع ان يشرحوا لنا المميزات الموجودة في الجهاز و الخدمة وهل يشجعون الناس على اقتناء الجهاز والاشتراك في الخدمة ام لا ؟؟ |
| الساعة الآن 08:30 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir