ليه ما اشرح فرحة القلب
 

ليه ما اشرح فرحة القلب والبال السعيـد؟
ليه ما اوفي بالقوافي من اغرقنـي وفـاه

ليه ما تمطـر لـداري مراويـح القصيـد
ليه ما اكتب والوطن نبض واحساس وحياه

والله اني لا اكتب الحرف من دم الوريـد
لين البس منكب الدار من شعـري عبـاه

ينفرد بي صـادق الشعـر للـدار الفريـد
داري اللي مـا علـى عزتـه دار سـواه

ما يضاهي موطني من قريب ولا من بعيد
غير مجدة مع شموخ بـه الوالـي حبـاه

موطني فيه المعالـي علـى غيـره تزيـد
طيب الله من نعيمـه ثـرى عـود بنـاه

وحده صقر الجزيرة وهـو وحـده وحيـد
زاده اخلاصه لدينـه وصدقـة والصـلاه

ليـن ردة واستعـادة بعـزم مـن حديـد
مارهقه طور الصحاري ولا الكايـد ثنـاه

حدد حدوده معزي عسـى العـز المديـد
للذي ساروا على سير نهجـه مـن وراه

محتمين الديـن والـدار والمجـد التليـد
المواطـن والوطـن فـي عدالتهـم ذراه

ربي لا هااانك ع هيييك شي فنتك .. تسلم راعي النيساان وككثر كثرر من ها الزين ..

يسلمـــوؤوؤوؤووؤ ع الطــرح ..

شـكــ وبارك الله فيك ـــرا لك ... لك مني أجمل تحية .